ഗൗൺ കിട്ടാതെ വിവാഹ ഫോട്ടോഷൂട്ട് മുടങ്ങി; നഷ്ടപരിഹാരവും ചെലവും നൽകണം

JUNE 6, 2026, 12:30 AM

കൊല്ലം: വിവാഹത്തിനു മുൻപായി ഫോട്ടോഷൂട്ടിനായി വാങ്ങിയ ഗൗൺ കൃത്യസമയത്ത് ലഭിക്കാത്തതിന് പിന്നാലെയുണ്ടായ പരാതിയിലാണ് ജില്ലാ ഉപഭോക്തൃ തർക്ക പരിഹാര കമ്മിഷന്റെ ഇടപെടൽ ഉണ്ടായിരിക്കുന്നത്.

ഫോട്ടോഷൂട്ടിനായി വാങ്ങിയ ഗൗൺ മാറ്റങ്ങൾ വരുത്തി യഥാസമയം നൽകിയില്ലെന്ന പരാതിയിലാണ് ഉപഭോക്തൃ തർക്ക പരിഹാര കമ്മിഷന്റെ വിധി ഉണ്ടായിരിക്കുന്നത്.

പള്ളിത്തോട്ടം സ്വദേശിനി ജെന്നിഫർ ഷായാണ് ആലപ്പുഴയിലെ സ്ഥാപനത്തിനും മാനേജിങ് ഡയറക്ടർക്കും എതിരെ പരാതി നൽകിയത്. ഗൗൺ നിശ്ചിത സമയത്തിനുള്ളിൽ ലഭിക്കാത്തതിനെത്തുടർന്നു ഫോട്ടോഷൂട്ട് മുടങ്ങിയെന്നും പരാതിയിലുണ്ട്.