ഐ.പി.എൽ പ്രാർത്ഥനാ യോഗം ഒക്ടോബർ 20ന്: പ്രൊഫ. ഡോ. ജോർജ്ജ് മാത്യു മുഖ്യാതിഥി

OCTOBER 16, 2026, 2:09 AM

ഹൂസ്റ്റൺ: ഇന്റർസെസ്സറി പ്രാർത്ഥനാ ലൈനിന്റെ 649-ാമത് അന്താരാഷ്ട്ര പ്രാർത്ഥനാ യോഗം 2026 ഒക്ടോബർ 20 ചൊവ്വാഴ്ച നടക്കും. അമേരിക്കൻ സമയം രാത്രി 9:00 (EST) / 8:00 (CST) / 6:00 (PST) നാണ് യോഗം ക്രമീകരിച്ചിരിക്കുന്നത്.

തിരുവല്ല മാർത്തോമ്മാ കോളേജ് സാമ്പത്തിക ശാസ്ത്ര വിഭാഗം മുൻ മേധാവിയും കേരള സ്റ്റേറ്റ് സിവിൽ സർവ്വീസ് അക്കാദമി പ്രൊഫസറുമായ പ്രൊഫ. ഡോ. ജോർജ്ജ് മാത്യു (തിരുവല്ല) യോഗത്തിൽ മുഖ്യാതിഥിയായി പങ്കെടുക്കും.

ഇസ്രായേൽ-ഗാസ, മിഡിൽ ഈസ്റ്റ്, ഉക്രെയ്ൻ-റഷ്യ തുടങ്ങി ലോകത്തിന്റെ വിവിധ ഭാഗങ്ങളിൽ തുടരുന്ന യുദ്ധങ്ങൾക്കും സംഘർഷങ്ങൾക്കും ശമനമുണ്ടാകാനും, ലോകസമാധാനത്തിനായുള്ള പ്രത്യേക മധ്യസ്ഥ പ്രാർത്ഥനയും യോഗത്തിൽ ഉണ്ടായിരിക്കും.