മകളുടെ വിവാഹത്തിന് കരുതിവെച്ച സ്വർണവും പണവുമായി പിതാവ് മുങ്ങി

OCTOBER 17, 2025, 12:40 AM

കൊച്ചി: മകളുടെ വിവാഹത്തിന് ഒരുമാസം മാത്രം ബാക്കി നിൽക്കവെ വിവാഹത്തിന് കരുതിവെച്ച സ്വർണവും പണവുമായി മുങ്ങി പിതാവ്. വെങ്ങോലയിലാണ് സംഭവം.

സ്വർണവും പണവുമടക്കം അഞ്ചുലക്ഷം രൂപയാണ് പിതാവ് മോഷ്ടിച്ചത്. മകൾ നൽകിയ പരാതിയുടെ അടിസ്ഥാനത്തിൽ പൊലീസ് അന്വേഷണം നടത്തി.

കാനഡയിൽ ജോലിയുള്ള തിരുവനന്തപുരം സ്വദേശിനിയ്‌ക്കൊപ്പമായിരുന്നു ഇയാൾ.

വിവാഹകർമം നടത്താനെങ്കിലും എത്തണമെന്ന മകളുടെ അഭ്യർത്ഥന പിതാവ് അംഗീകരിച്ചിട്ടുണ്ട്. തിരുവനന്തപുരം സ്വദേശിനിയും ഇയാളും വിവാഹിതരായെന്നും വിവരമുണ്ട്.

പൊലീസ് ഉപദേശിച്ചെങ്കിലും സ്ത്രീയെ പിരിയാൻ ഇയാൾ തയാറായില്ല. പണവും സ്വർണവുമടക്കം അഞ്ച് ലക്ഷം രൂപയാണ് ഇയാൾ കൊണ്ടു പോയത്. എന്നാൽ നിശ്ചയിച്ച പ്രകാരം വിവാഹം നടത്താൻ വരൻ തയാറാണെന്ന് അറിയിച്ചിട്ടുണ്ടെന്ന് പൊലീസ് പറഞ്ഞു.