ആലപ്പുഴയില്‍ നാട്ടുകാരെ ഭീതിയിലാഴ്‌ത്തി ലഹരിസംഘത്തിന്‍റെ അഴിഞ്ഞാട്ടം

OCTOBER 11, 2026, 11:52 PM

ആലപ്പുഴ: ആലപ്പുഴ ചെങ്ങന്നൂരിനടുത്ത് തിരുവൻവണ്ടൂരിൽ നാട്ടുകാരെ ഭീതിയിലാഴ്ത്തി ലഹരി സംഘത്തിൻ്റെ അഴിഞ്ഞാട്ടം. സംഭവവുമായി ബന്ധപ്പെട്ട ഒരാളെ നാട്ടുകാരും പൊലീസും ചേർന്ന് ഓതറയിൽ നിന്ന് പിടികൂടി.

ഞായറാഴ്ച ഉച്ചമുതൽ തുടങ്ങിയ ലഹരി സംഘത്തിൻ്റെ ശല്യം രാത്രിയിലും ആവർത്തിച്ചതോടെ നാട്ടുകാർ സംഘടിച്ചു. മദ്യപിച്ച് അമിതവേഗത്തിൽ കാർ ഓടിച്ച് ഗ്രാമവഴിയിലൂടെ എത്തിയ ലഹരി സംഘം ഇലക്ട്രിക് പോസ്റ്റ് ഇടിച്ചു തകർക്കുകയും നാട്ടുകാരെ അസഭ്യം പറയുകയുമായിരുന്നു.

ഈ സംഭവവുമായി ബന്ധപ്പെട്ട പ്രതിയെ നാട്ടുകാർ പിടികൂടി പൊലീസിൽ ഏൽപ്പിച്ചതിന് പിന്നാലെയാണ് ലഹരി സംഘം രാത്രി വീണ്ടുമെത്തി നാട്ടുകാരെ ഭയപ്പെടുത്തിയത്.