ഉത്തരാഖണ്ഡിൽ കോൺഗ്രസ് ദേശീയ അധ്യക്ഷൻ മല്ലികാർജുൻ ഖാർഗെ പ്രസംഗിച്ച വേദിയിൽ 'ശുദ്ധീകരണ ക്രിയകൾ' നടത്തിയത് കടുത്ത ആശങ്കാജനകമായ സംഭവമാണെന്ന് കേന്ദ്രമന്ത്രി ചിരാഗ് പാസ്വാൻ. ദളിത് നേതാവായ ഖാർഗെ പങ്കെടുത്ത് മടങ്ങിയതിന് പിന്നാലെ ഹൽദ്വാനിയിലെ റാം ലീല മൈതാനത്ത് ചില സംഘടനകൾ ശുദ്ധീകരണം നടത്തിയെന്ന ആരോപണത്തിലാണ് ചിരാഗ് പാസ്വാൻ നിലപാട് വ്യക്തമാക്കിയത്.

രാജ്യത്തെ പരമോന്നത സഭയിൽ ഇത്രയും മുതിർന്ന ഒരു ദളിത് നേതാവും പ്രതിപക്ഷ നേതാവുമായ വ്യക്തി തന്നെ ഇത്തരം ഒരു ആശങ്ക ഉന്നയിച്ചിട്ടുണ്ടെങ്കിൽ അത് അതീവ ഗൗരവത്തോടെ കാണേണ്ടതുണ്ട്. ജാതി വിവേചനം ഇന്നും സമൂഹത്തിൽ നിലനിൽക്കുന്നു എന്നതിന്റെ തെളിവാണ് ഇത്തരം സംഭവങ്ങളെന്നും ചിരാഗ് പാസ്വാൻ മാധ്യമങ്ങളോട് പറഞ്ഞു.

ഉത്തരാഖണ്ഡ് സംസ്ഥാന സർക്കാരുമായി സംസാരിച്ച് സംഭവത്തിൽ കൃത്യവും സുതാര്യവുമായ അന്വേഷണം നടത്താൻ താൻ നേരിട്ട് ആവശ്യപ്പെടും. എസ്‌സി/എസ്ടി നിയമപ്രകാരം കുറ്റക്കാർക്കെതിരെ ശക്തമായ നടപടി സ്വീകരിക്കണമെന്നാണ് തന്റെ നിലപാടെന്നും അദ്ദേഹം വ്യക്തമാക്കി.

ഹൽദ്വാനിയിൽ നടന്ന കോൺഗ്രസ് പൊതുയോഗത്തിന് ശേഷമാണ് വലതുപക്ഷ സംഘടനയിൽപ്പെട്ട ചിലർ മൈതാനത്ത് വി ഗംഗാജലവും മറ്റും തളിച്ച് ശുദ്ധീകരണം നടത്തിയതായി ആരോപണം ഉയർന്നത്. ഇത് തീർത്തും അയിത്താചാരത്തിന്റെ ഭാഗമാണെന്ന് കോൺഗ്രസ് നേതാവ് രാഹുൽ ഗാന്ധിയും ആരോപിച്ചിരുന്നു.

ഒരു വ്യക്തി ദളിത് വിഭാഗത്തിൽപ്പെട്ട ആളായതുകൊണ്ട് മാത്രം വേദി ശുദ്ധീകരിക്കുന്നത് ഭരണഘടനാ വിരുദ്ധവും അംഗീകരിക്കാൻ കഴിയാത്തതുമാണ്. ഈ വിഷയത്തിൽ രാഷ്ട്രീയ വ്യത്യാസമില്ലാതെ എല്ലാവരും പ്രതികരിക്കേണ്ടതുണ്ടെന്ന് ചിരാഗ് പാസ്വാൻ പറഞ്ഞു.

ഇന്ത്യയിൽ ഇന്നും പലയിടങ്ങളിലും ദളിത് യുവാക്കൾക്ക് കുതിരസവാരി നിഷേധിക്കപ്പെടുന്നതും ക്ഷേത്രങ്ങളിൽ പ്രവേശിച്ചാൽ അത് കഴുകി വൃത്തിയാക്കുന്നതും സങ്കടകരമായ യാഥാർത്ഥ്യമാണ്. ഈ സാമൂഹിക അനീതികൾ അവസാനിപ്പിക്കാൻ കർശന നിയമനടപടികൾ തന്നെയാണ് വേണ്ടത്.

സംഭവത്തിൽ കേന്ദ്ര സർക്കാരും ഉത്തരാഖണ്ഡ് ഭരണകൂടവും നീതി ഉറപ്പാക്കണമെന്ന് പ്രതിപക്ഷം ആവശ്യപ്പെട്ടിരുന്നു. അതിനിടെ കേന്ദ്രമന്ത്രി തന്നെ അന്വേഷണം ആവശ്യപ്പെട്ട് രംഗത്തെത്തിയത് ബിജെപിക്ക് മുന്നിലും പുതിയ ചർച്ചകൾക്ക് വഴിതുറന്നിട്ടുണ്ട്.

മല്ലികാർജുൻ ഖാർഗെയുടെ പരാതിയിൻമേൽ വിശദമായ വിവരങ്ങൾ ശേഖരിക്കാൻ അന്വേഷണ ഏജൻസികൾക്ക് നിർദ്ദേശം നൽകിയിട്ടുണ്ട്. കുറ്റക്കാർക്കെതിരെ യാതൊരു തരത്തിലുള്ള വിട്ടുവീഴ്ചയും ഉണ്ടാകില്ലെന്നാണ് ലഭിക്കുന്ന വിവരങ്ങൾ.

അതേസമയം വിഷയം രാഷ്ട്രീയ നേട്ടത്തിനായി ഉപയോഗിക്കാനാണ് കോൺഗ്രസ് ശ്രമിക്കുന്നതെന്ന് ബിജെപി പ്രാദേശിക നേതൃത്വം ആരോപിച്ചു. എന്നാൽ ദളിത് അവകാശങ്ങൾ സംരക്ഷിക്കാൻ തങ്ങൾ ഏത് തലത്തിലും പോരാടുമെന്ന് എൽജെപി നേതാവ് ചിരാഗ് പാസ്വാൻ ആവർത്തിച്ചു.

പ്രശ്നത്തിൽ ശരിയായ നടപടിയുണ്ടാകുമെന്ന് പ്രതീക്ഷിക്കുന്നതായി ചിരാഗ് പാസ്വാൻ വ്യക്തമാക്കി. രാജ്യത്ത് ജാതി വിവേചനങ്ങൾ തടയാൻ എല്ലാ രാഷ്ടീയ പാർട്ടികളും ഒറ്റക്കെട്ടായി നിലകൊള്ളേണ്ട സമയമാണിതെന്നും അദ്ദേഹം ഓർമ്മിപ്പിച്ചു.

English Summary: Union Minister Chirag Paswan expressed serious concern over the alleged purification ritual performed at a venue in Haldwani Uttarakhand after Congress President Mallikarjun Kharge addressed a rally there. Paswan stated that such incidents reflect the persistence of caste discrimination and urged the Uttarakhand government to conduct a thorough investigation and take strict legal action under the SC ST Act.
Tags: Malayalam News, News Malayalam, Latest Malayalam News, Vachakam News, India News Malayalam, National News Malayalam, Chirag Paswan News

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്