റേഞ്ച് റോവർ തിരിച്ചേൽപ്പിച്ച് മന്ത്രി കെ എം ഷാജി

SEPTEMBER 19, 2026, 9:26 AM

തിരുവനന്തപുരം: വിവാദ റേഞ്ച് റോവർ ഉടമയ്ക്ക് തിരികെ നൽകി മന്ത്രി കെ എം ഷാജി. കെഎം ഷാജി ഉപയോഗിച്ച KL 78 A 0009 റേഞ്ച് റോവറാണ് ഉടമയായ തില്ലങ്കേരി സ്വദേശി യാക്കൂബിനെ തിരിച്ചേൽപ്പിച്ചത്.

യൂറോപ്പിലുള്ള മന്ത്രി കേരളത്തിൽ എത്തുമ്പോൾ കാർ മന്ത്രിക്ക് തിരിച്ചേൽപ്പിക്കും. എന്നാൽ, വിവാദം തുടരുന്ന പശ്ചാത്തലത്തിൽ മന്ത്രി വീണ്ടും ഈ വാഹനം ഉപയോഗിക്കുന്നത് തുടരുമോ എന്നതിലാണ് ആകാംക്ഷ.

ഈ മാസം 27 നാണ് മന്ത്രി കെ എം ഷാജി തിരിച്ചെത്തുക. കെഎംസിസി നേതാവ് യാക്കൂബാണ് കാറിൻ്റെ ഉടമ. ഇയാളുടെ കണ്ണൂർ തില്ലങ്കേരിയിലെ വീട്ടിലാണ് കാർ എത്തിച്ചത്.

ഔദ്യോഗിക വാഹനമല്ലാതെ സ്വകാര്യ ആഡംബരകാർ ഉപയോഗിക്കുന്നതിൽ ആരോപണങ്ങളുമായി ഇടതുപക്ഷം രംഗത്തെത്തിയിരുന്നു. നിലവിൽ തില്ലങ്കേരിയിലെ യാക്കൂബിന്റെ വീട്ടിലാണ് വാഹനം ഉള്ളത്.

രണ്ട് ദിവസം മുൻപാണ് വാഹനം തില്ലങ്കേരിയിൽ എത്തിച്ചത്. യൂറോപ്പിലേക്ക് പോകുമ്പോൾ തിരിച്ചേൽപ്പിച്ചതാണെന്ന് യാക്കൂബ് പ്രതികരിച്ചു.