മലയാളി അസോസിയേഷൻ ഓഫ് നോർത്ത് അമേരിക്കൻ ഹിന്ദൂസ് (മന്ത്ര) സംഘടനയുടെ ഡയറക്ടർ ബോർഡിലേക്ക് മിൽവോക്കി, യു.എസ്.എയിൽ നിന്നും ബോണി ഡി കുമാർ ഏകകണ്ഠമായി തിരഞ്ഞെടുക്കപ്പെട്ടു.

സംഘടനയുടെ ഭാവി ദിശാബോധം ശക്തിപ്പെടുത്തുന്നതിനായി മികച്ച നേതൃത്ത്വഗുണങ്ങളും സാമൂഹിക പ്രതിബദ്ധതയും ഉള്ള വ്യക്തികളെ വിവിധ മേഖലകളിൽ നിന്നും ഉൾപ്പെടുത്തുന്ന മന്ത്രയുടെ ദൗത്യത്തിന്റെ ഭാഗമായാണ് ഈ തിരഞ്ഞെടുപ്പ്.

കോട്ടയം ജില്ലയിലെ ചങ്ങനാശ്ശേരി സ്വദേശിയായ ബോണി ഡി കുമാർ, റാഞ്ചിയിൽ വിദ്യാഭ്യാസം പൂർത്തിയാക്കിയ ശേഷം 2010 മുതൽ അമേരിക്കയിൽ താമസിക്കുകയും പ്രവർത്തിക്കുകയും ചെയ്യുന്നു. കാൻസസ് സിറ്റി, ബാർ ഹാർബർ, ഗ്രാൻഡ് ഫോർക്‌സ്, ന്യൂ ഹേവൻ എന്നീ നഗരങ്ങളിൽ പ്രവർത്തിച്ച ശേഷം ഇപ്പോൾ മിൽവോക്കിയിൽ സ്ഥിരതാമസമാക്കിയിരിക്കുകയാണ്.

ഇപ്പോൾ അദ്ദേഹം Versti Blood Research Insttute-Â Director of Shared Resources ആയി സേവനം അനുഷ്ഠിക്കുന്നു. ശാസ്ത്രജ്ഞനായുള്ള അദ്ദേഹത്തിന്റെ സേവനജീവിതം കഴിവും പ്രതിബദ്ധതയും നേതൃത്വവും കൊണ്ട് ശ്രദ്ധേയമാണ്.

വ്യവസായിക രംഗത്തിന് പുറമെ വായന, സാമൂഹിക പ്രവർത്തനങ്ങൾ, ആത്മീയ പ്രവർത്തനങ്ങൾ എന്നിവയിലും അദ്ദേഹത്തിന് പ്രത്യേക താൽപ്പര്യമുണ്ട്.

അദ്ദേഹത്തിന്റെ ഭാര്യ റെഞ്ചു ആർ നായരും മകൻ അദൈ്വത് ബോണി നായരും അദ്ദേഹത്തിന്റെ ജീവിതയാത്രയിൽ ശക്തമായ പിന്തുണയാണ്.

മന്ത്രയുടെ ഡയറക്ടർ ബോർഡിലേക്ക് തിരഞ്ഞെടുക്കപ്പെട്ട ബോണി ഡി കുമാറിന് ഹൃദയം നിറഞ്ഞ അഭിനന്ദനങ്ങൾ നേർന്ന്, സംഘടനയുടെ ഭാവി പ്രവർത്തനങ്ങളിൽ അദ്ദേഹത്തിന്റെ വിലമതിക്കാനാവാത്ത സംഭാവനകൾ പ്രതീക്ഷിക്കുന്നതായി പ്രസിഡന്റ് കൃഷ്ണരാജ് മോഹനൻ അറിയിച്ചു. സമൂഹവുമായി ചേർന്ന് പ്രവർത്തിക്കാനുള്ള അദ്ദേഹത്തിന്റെ മനോഭാവം മന്ത്രയുടെ പ്രവർത്തനങ്ങൾക്ക് വലിയ കരുത്താകുമെന്ന് സെക്രട്ടറി ഉണ്ണി തോയകാട്ട് കൂടി വ്യക്തമാക്കി.

രഞ്ജിത്

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്