ടാരന്റ് കൗണ്ടി ജയിലിലെത്തി മൂന്നാം ദിനം 36കാരനായ തടവുകാരൻ മരിച്ചു

APRIL 23, 2026, 4:17 AM

ഫോർട്ട് വർത്ത്: ടെക്‌സസിലെ ടാരന്റ് കൗണ്ടി ജയിലിൽ കഴിയുകയായിരുന്ന 36കാരനായ തടവുകാരൻ മരിച്ചു. ഏപ്രിൽ 16ന് ജയിലിലടച്ച ജോൺ ബാർ ആണ് ഏപ്രിൽ 19 ഞായറാഴ്ച മരണപ്പെട്ടത്.

ഞായറാഴ്ച ജയിൽ സെല്ലിൽ അബോധാവസ്ഥയിൽ കണ്ടെത്തിയ ബാറിനെ ഉടൻ തന്നെ ജോൺ പീറ്റർ സ്മിത്ത് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

പരോൾ നിയമങ്ങൾ ലംഘിച്ചതിനെത്തുടർന്ന് ടെക്‌സസ് ഡിപ്പാർട്ട്‌മെന്റ് ഓഫ് പബ്ലിക് സേഫ്റ്റിയാണ് ഇയാളെ അറസ്റ്റ് ചെയ്തത്. ജയിലിലെത്തി മൂന്നാം ദിവസമാണ് മരണം സംഭവിച്ചത്.