1-20260603095753.jpg)
തിരുവനന്തപുരം: കൃഷിമന്ത്രി ടി. സിദ്ദീഖിന്റെ വാർത്താസമ്മേളനത്തിനിടെ കൃഷി വകുപ്പ് ഡയറക്ടർ ശ്രീറാം വെങ്കിട്ടരാമനെതിരെ മാധ്യമപ്രവർത്തകരുടെ പ്രതിഷേധം. നിയമസഭയിലെ മീഡിയ റൂമിൽ നടന്ന പരിപാടിക്കിടെയാണ് സംഭവം അരങ്ങേറിയത്.
വാർത്താസമ്മേളനം ആരംഭിച്ചതിന് ശേഷം ശ്രീറാം വെങ്കിട്ടരാമൻ വേദിയിലെത്തിയതോടെ ചില മാധ്യമപ്രവർത്തകർ പ്രതിഷേധം രേഖപ്പെടുത്തി. മാധ്യമപ്രവർത്തകൻ കെ.എം. ബഷീറിന്റെ മരണവുമായി ബന്ധപ്പെട്ട കേസ് ചൂണ്ടിക്കാട്ടിയാണ് പ്രതിഷേധം ഉയർന്നത്.
ആദ്യം പരിപാടി തുടരാൻ ശ്രമം നടന്നെങ്കിലും പ്രതിഷേധം ശക്തമായതോടെ ശ്രീറാം വെങ്കിട്ടരാമൻ സ്വമേധയാ വാർത്താസമ്മേളന വേദി വിട്ടുപോകുകയായിരുന്നു. തുടർന്ന് കൃഷിമന്ത്രി വാർത്താസമ്മേളനം തുടർന്നു.
2019-ൽ മാധ്യമപ്രവർത്തകനായ കെ.എം. ബഷീർ വാഹനാപകടത്തിൽ മരിച്ച സംഭവവുമായി ബന്ധപ്പെട്ട കേസിൽ ശ്രീറാം വെങ്കിട്ടരാമൻ പ്രതിയായിരുന്നു. ആ സംഭവത്തിന്റെ പശ്ചാത്തലത്തിലാണ് മാധ്യമപ്രവർത്തകരുടെ എതിർപ്പ് വീണ്ടും പ്രകടമായത്.
ഇതിന് മുൻപും സമാന സാഹചര്യം സംസ്ഥാനത്ത് ഉണ്ടായിട്ടുണ്ട്. മുൻ സർക്കാർ കാലത്ത് ഒരു മന്ത്രിയുടെ വാർത്താസമ്മേളനത്തിൽ പങ്കെടുത്തപ്പോഴും ശ്രീറാം വെങ്കിട്ടരാമനെതിരെ മാധ്യമപ്രവർത്തകർ പ്രതിഷേധം സംഘടിപ്പിച്ചിരുന്നു. അന്നും പ്രതിഷേധത്തെ തുടർന്ന് പരിപാടിയിൽ നിന്ന് അദ്ദേഹം മടങ്ങിയിരുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
