തിരുവനന്തപുരം: എഡിഎം നവീൻ ബാബുവിൻറെ മരണത്തിലെ സർക്കാർ അന്വേഷണം പ്രഹസനമെന്ന്  പ്രതിപക്ഷനേതാവ് വി.ഡി സതീശൻ. കുടുംബത്തിനും ദിവ്യക്കും ഒപ്പം നിന്ന് സിപിഎം സെക്രട്ടറി ഇരട്ടത്താപ്പ് കാണിച്ചെന്നും സതീശൻ ആരോപിച്ചു.  

 ദിവ്യക്കറിയുന്ന രഹസ്യങ്ങൾ പുറത്താകുമോ എന്ന പേടിയാണ് സർക്കാരിന്.  നവീൻ ബാബു അഴിമതിക്കാരനെന്ന് വരുത്തി തീർക്കാൻ ശ്രമമുണ്ട്.  എഡിഎമ്മിൻറെ മരണം സിബിഐ അന്വേഷിക്കണം. 

 സർക്കാർ വേട്ടക്കാർക്ക് ഒപ്പമെന്ന പ്രതിപക്ഷത്തിൻറെ നിലപാട് സത്യമാണെന്നു വ്യക്തമായി. മരണത്തെ കുറിച്ച് അന്വേഷണം ഇല്ല.   പാർട്ടി സെക്രട്ടറി എഡിഎമ്മിൻറെ കുടുംബത്തോടൊപ്പം എന്ന് പറഞ്ഞു. പാർട്ടി സെക്രട്ടറിയുടെ ഭാര്യ പ്രതിയെ ജയിലിൽ പോയി കണ്ടു.

സിബിഐ അന്വേഷണത്തിന് സർക്കാർ കോടതിയിൽ സമ്മതിക്കണം.പ്രശാന്തൻ പ്രധാനപ്പെട്ട ആളുടെ ബിനാമിയാണ്. ദിവ്യക്ക് രഹസ്യങ്ങൾ അറിയാം. ഇത് പുറത്താകുമോ എന്ന പേടി സർക്കാരിനുണ്ട്. ദിവ്യയെ പ്രീതിപ്പെടുത്താൻ സിപിഎം നേതാക്കൾ ശ്രമിക്കുന്നുവെന്നും സതീശൻ ആരോപിച്ചു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്