ലക്‌നൗ: അമിതവേഗതയിലെത്തിയ കാർ ട്രക്കിലിടിച്ചുണ്ടായ അപകടത്തിൽ അഞ്ച് ഡോക്ടർമാർക്ക് ദാരുണാന്ത്യം. ഉത്തർപ്രദേശിലെ കനൗജ് ജില്ലയിൽ ലക്നൗ-ആഗ്ര റോഡിൽ ഇന്ന് പുലർച്ചെ മൂന്ന് മണിയോടെയായിരുന്നു അപകടം ഉണ്ടായത്.

ഡോക്ടർമാരായ അനിരുദ്ധ് വർമ (29),സന്തോഷ് കുമാർ മൗര്യ(46),അരുൺ കുമാർ (34), നർദേവ് (35), രാകേഷ് കുമാർ (38) എന്നിവരാണ് മരിച്ചത്. അപകടത്തിൽ പരിക്കേ​റ്റ ജൈവീർ സിംഗ് (39) ആശുപത്രിയിൽ ചികിത്സയിലാണ്. 

ലക്‌നൗവിൽ ഒരു വിവാഹത്തിന് പങ്കെടുത്ത് മടങ്ങുന്നതിനിടെയാണ് ഡോക്ടർമാർ സഞ്ചരിച്ച സ്കോർപിയോ എസ് യു വി അപകടത്തിൽപ്പെട്ടത് എന്നാണ് ലഭിക്കുന്ന വിവരം. അമിത വേഗത്തിലെത്തിയ വാഹനം റോഡിലെ ഡിവൈഡറിൽ ചെന്നിടിക്കുകയായിരുന്നു. 

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്