അസാധാരണം; യുദ്ധ സാഹചര്യത്തിലും ഇടിഞ്ഞു സ്വർണ വില

MARCH 1, 2026, 10:48 PM

കൊച്ചി: പശ്ചിമേഷ്യയിൽ ഇറാൻ–ഇസ്രായേൽ സംഘർഷം കടുപ്പമാകുന്നതിനിടയിലും സംസ്ഥാനത്ത് സ്വർണവിലയിൽ ഇടിവ് രേഖപ്പെടുത്തി. ഇന്ന് ഗ്രാമിന് 300 രൂപ കുറഞ്ഞതോടെ ഒരു ഗ്രാം സ്വർണത്തിന്റെ വില 15,565 രൂപയായി. പവൻ വില 1,24,520 രൂപയായി താഴ്ന്നു എന്നാണ് റിപ്പോർട്ടുകൾ വ്യക്തമാക്കുന്നത്.

സാധാരണ യുദ്ധസാഹചര്യങ്ങളിൽ സ്വർണവില ഉയരുന്നതാണ് പതിവ്. എന്നാൽ അന്താരാഷ്ട്ര വിപണിയിലെ ലാഭമെടുപ്പും ഡോളറിന്റെ മൂല്യത്തിലുണ്ടായ വ്യതിയാനങ്ങളും വില കുറയാൻ കാരണമായതായാണ് വിലയിരുത്തൽ. വില ഇടിഞ്ഞ സാഹചര്യത്തിൽ നിക്ഷേപകർ കൂടുതൽ സ്വർണത്തിലേക്ക് തിരിയാൻ സാധ്യതയുണ്ടെന്ന് വ്യാപാരികൾ പറയുന്നു.

ഇന്നലെ സംസ്ഥാനത്ത് സ്വർണവിലയിൽ വൻ വർധനവുണ്ടായിരുന്നു. ഗ്രാമിന് 400 രൂപ ഉയർന്ന് പവൻ വില 1,26,920 രൂപയിലെത്തി. 24 മണിക്കൂറിനിടെ ഒരു ഗ്രാം സ്വർണത്തിന് 1,015 രൂപയും ഒരു പവന് 8,120 രൂപയും വർധിച്ചിരുന്നു.