ആലപ്പുഴയിൽ മകൻ അമ്മയുടെ മൃതദേഹം സംസ്‌കരിച്ച സംഭവം; കൊലപാതകം അല്ലെന്ന് പോസ്റ്റ്മോർട്ടം റിപ്പോർട്ട്

FEBRUARY 25, 2026, 10:42 PM

ആലപ്പുഴ പള്ളിത്തോട്‌ സ്വദേശിയായ ഗിരീഷ് (49) അമ്മ രാധ (75)യുടെ മൃതദേഹം വീടിനു മുന്നിൽ തന്നെ കുഴിച്ചുമൂടിയ സംഭവത്തിൽ കൂടുതൽ വിവരങ്ങൾ പുറത്ത്. സ്ത്രീയുടെ മരണം സ്വാഭാവികമാണ് എന്നാണ് പോലീസ് കണ്ടെത്തിയിരിക്കുന്നത്. പോസ്റ്റ്മോർട്ടം റിപ്പോർട്ട് പ്രകാരം രാധയുടെ മരണം സ്വാഭാവികമായിരുന്നു എന്നാണ് കണ്ടെത്തൽ.

ശരീരത്തിൽ മുറിവുകളോ ആന്തരിക ക്ഷതകളോ കണ്ടെത്താനായിട്ടില്ല. മരണകാരണം വാർധക്യസഹജമായ അസുഖങ്ങളുമായി ബന്ധപ്പെട്ടതാണെന്ന് ഫോറൻസിക് പരിശോധന വ്യക്തമാക്കിയിട്ടുണ്ട്.

കഴിഞ്ഞ ചൊവ്വാഴ്ച വൈകീട്ടോടെയാണ് ഗിരീഷ് ആരെയും അറിയിക്കാതെ അമ്മയുടെ മൃതദേഹം സംസ്‌കരിച്ചത്. മദ്യപാനിയായ ഗിരീഷ് അമ്മയുമായി നിരന്തരം വഴക്കുണ്ടാക്കാറുണ്ടായിരുന്നു. സംശയം തോന്നിയ നാട്ടുകാർ അറിയിച്ചതിനെ തുടർന്ന് പോലീസെത്തി സ്ഥലം പരിശോധിച്ചിരുന്നു. എന്നാൽ സംഭവം സ്വാഭാവിക മരണമാണ് എന്നും കൊലപാതകം ഇല്ലെന്നും പൊലീസ് ഇപ്പോൾ അറിയിച്ചു.