തിരുവനന്തപുരം: ഹോളിയോടനുബന്ധിച്ച്‌ സ്പെഷല്‍ ട്രെയിനുകളുമായി ഇന്ത്യൻ റെയില്‍വേ. ഡല്‍ഹി, മുംബൈ ഹോളി സ്പെഷല്‍ ട്രെയിനുകള്‍ റെയില്‍വേ പ്രഖ്യാപിച്ചു.

തിരുവനന്തപുരം നോർത്ത്- നിസാമുദ്ദീൻ (06073) സ്പെഷല്‍ 14 ന് ഉച്ചയ്ക്ക് 2.15 ന് പുറപ്പെട്ട് 16 ന് രാത്രി 8.40ന് നിസാമുദ്ദീനില്‍ എത്തും. മടക്ക ട്രെയിൻ (06074) 17 ന് പുലർച്ചെ 4.10 ന് പുറപ്പെട്ട് 19ന് ഉച്ചയ്ക്ക് 2.15 ന് തിരുവനന്തപുരം നോർത്തില്‍ എത്തും.

കൊല്ലം, കായംകുളം, മാവേലിക്കര, ചെങ്ങന്നൂർ, തിരുവല്ല, കോട്ടയം, എറണാകുളം ടൗണ്‍, ആലുവ, തൃശൂർ, പാലക്കാട് എന്നിവിടങ്ങളിലാണ് കേരളത്തിലെ സ്റ്റോപ്പുകള്‍ . 14 തേഡ് എസി ഇക്കോണമി കോച്ചുകള്‍ ട്രെയിനിലുണ്ടാകും.

ലോകമാന്യതിലക്- തിരുവനന്തപുരം നോർത്ത് സ്പെഷല്‍ (01063) 13 ന് വൈകിട്ട് 4ന് പുറപ്പെട്ട് 14 ന് രാത്രി 10.45 ന് തിരുവനന്തപുരം നോർത്തില്‍ എത്തും. മടക്ക ട്രെയിൻ (01064) തിരുവനന്തപുരം നോർത്തില്‍ നിന്ന് 15 ന് വൈകിട്ട് 4.20 ന് പുറപ്പെട്ട് 17ന് പുലർച്ചെ 12.45 ന് കുർളയിലെത്തും.

കൊങ്കണ്‍ വഴിയാണ് സർവീസ്. സെക്കന്റ് എസി -2, തേഡ് എസി- 6, സ്ലീപ്പർ -9, സെക്കന്റ് ക്ലാസ് - 4 എന്നിങ്ങനെയാണ് കോച്ചുകള്‍. കൊല്ലം, കായംകുളം, മാവേലിക്കര, ചെങ്ങന്നൂർ, തിരുവല്ല, കോട്ടയം, എറണാകുളം ടൗണ്‍, തൃശൂർ, ഷൊർണൂർ, തിരൂർ, കോഴിക്കോട്, കണ്ണൂർ, കാസർകോട് എന്നിവിടങ്ങളില്‍ സ്റ്റോപ്പുകളുണ്ട്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്