1-20260517031657.jpg)
കോഴിക്കോട്: കാറിന് തീപിടിച്ച് ഗർഭിണി മരിച്ച സംഭവത്തിൽ തീപിടിത്തത്തിന്റെ യഥാർത്ഥ കാരണം ഇതുവരെയും കണ്ടെത്താനായിട്ടില്ല. മോട്ടോർ വാഹന വകുപ്പ് നടത്തിയ പ്രാഥമിക പരിശോധനയിൽ ഷോർട്ട് സർക്യൂട്ടല്ല അപകടകാരണമെന്ന് വ്യക്തമായതായി അധികൃതർ അറിയിച്ചു.
കാറിന്റെ വയറിംഗ് സംവിധാനത്തിൽ തകരാറുകളൊന്നും കണ്ടെത്താനായിട്ടില്ലെന്നും, ഇന്ധന ടാങ്കിൽ ചോർച്ച ഉണ്ടായിരുന്നുവെന്ന സൂചനകളും ലഭിച്ചിട്ടില്ലെന്നും പരിശോധന റിപ്പോർട്ടിൽ പറയുന്നു. കാറിന്റെ പിറകുഭാഗത്തുനിന്നാണ് തീ പടർന്നതെന്നാണ് നിലവിലെ കണ്ടെത്തൽ. എന്നാൽ തീപിടിത്തത്തിന് പിന്നിലെ കൃത്യമായ കാരണം വ്യക്തമല്ലാത്തതിനാൽ കൂടുതൽ സാങ്കേതിക പരിശോധനകൾ തുടരുകയാണ്.
സംഭവത്തിൽ ഫോറൻസിക് സംഘവും വിശദമായ പരിശോധന നടത്തുന്നുണ്ട്. വാഹനത്തിന്റെ അവശിഷ്ടങ്ങൾ ശാസ്ത്രീയമായി പരിശോധിച്ച ശേഷമേ അന്തിമ നിഗമനത്തിലെത്താനാകൂവെന്നാണ് അന്വേഷണസംഘത്തിന്റെ വിലയിരുത്തൽ.
ഗർഭിണിയുടെ മരണത്തിന് ഇടയായ അപകടം വലിയ ഞെട്ടലാണ് പ്രദേശത്ത് സൃഷ്ടിച്ചത്. സംഭവത്തിന്റെ യഥാർത്ഥ കാരണം കണ്ടെത്തണമെന്ന ആവശ്യം കുടുംബവും നാട്ടുകാരും ശക്തമായി ഉന്നയിക്കുന്നുണ്ട്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20201019105234.jpg)
-20260324020439.webp)
