തിരുവനന്തപുരം: സംസ്ഥാനത്ത് വരുന്ന ദിവസങ്ങളില് മഴ ശക്തമാകുമെന്ന് കേന്ദ്ര കാലാവസ്ഥ വകുപ്പ്. ബംഗാള് ഉള്ക്കടലില് രൂപപ്പെട്ട ന്യൂനമര്ദം കൂടുതല് ശക്തി പ്രാപിക്കുന്നതിന്റെ പശ്ചാത്തലത്തില് ഇന്ന് അഞ്ച് ജില്ലകളില് യെല്ലോ അലര്ട്ട് പ്രഖ്യാപിച്ചു. മലപ്പുറം, കോഴിക്കോട്, വയനാട്, കണ്ണൂര്, കാസര്കോട് എന്നീ വടക്കന് ജില്ലകളിലാണ് ഇന്ന് ശക്തമായ മഴ പ്രവചിച്ചിരിക്കുന്നത്. ഒറ്റപ്പെട്ടയിടങ്ങളില് ഇടിമിന്നലോടു കൂടിയ മഴയ്ക്കും മണിക്കൂറില് 40 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ടെന്നും ജാഗ്രത പാലിക്കണമെന്നും അധികൃതര് നിര്ദേശിച്ചു.
വടക്കുപടിഞ്ഞാറന് ബംഗാള് ഉള്ക്കടലിലും അതിനോട് ചേര്ന്ന വടക്കന് ഒഡീഷ-പശ്ചിമ ബംഗാള് തീരപ്രദേശങ്ങളിലും നിലനിന്നിരുന്ന ന്യൂനമര്ദം അതിതീവ്ര ന്യൂനമര്ദമായി മാറുന്നതാണ് സംസ്ഥാനത്ത് മഴ ശക്തമാകാന് കാരണം. വടക്കന് ഒഡീഷയ്ക്കും പശ്ചിമ ബംഗാള് തീരത്തിനും ഇടയിലായി കരയില് പ്രവേശിക്കുന്ന ഈ കാലാവസ്ഥാ വ്യതിയാനത്തിന് പുറമെ പടിഞ്ഞാറന് രാജസ്ഥാന് മുകളിലായി മറ്റൊരു ന്യൂനമര്ദവും നിലനില്ക്കുന്നുണ്ട്. ഇതിന്റെ ഫലമായി ജൂലൈ 30 വരെ സംസ്ഥാനത്തുടനീളം ഒറ്റപ്പെട്ട ശക്തമായ മഴ തുടരുമെന്നാണ് കാലാവസ്ഥാ നിരീക്ഷണ കേന്ദ്രം അറിയിക്കുന്നത്.
തുടര്ന്നുള്ള ദിവസങ്ങളിലും വിവിധ ജില്ലകളില് മഴ മുന്നറിയിപ്പ് നല്കിയിട്ടുണ്ട്. നാളെ എറണാകുളം, തൃശൂര്, മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളിലാണ് യെല്ലോ അലര്ട്ട് ഉള്ളത്. വരും ദിവസങ്ങളില് തെക്കന് ജില്ലകളിലും മധ്യകേരളത്തിലും മഴ വ്യാപിക്കാന് സാധ്യതയുള്ളതിനാല് മലയോര മേഖലകളിലും തീരദേശത്തും താമസിക്കുന്നവര് പ്രത്യേക ജാഗ്രത പുലര്ത്തണമെന്ന് ദുരന്തനിവാരണ അതോറിറ്റി അറിയിച്ചു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260408101117.jpg)
-20260622112905.jpg)
