ആദ്യമായി തന്റെ ഐഡന്റിറ്റി വെളിപ്പെടുത്തി ഫ്രാങ്കോ മുളക്കൽ കേസിലെ അതിജീവിത

JANUARY 9, 2026, 8:44 PM

തിരുവനന്തപുരം: ഫ്രാങ്കോ മുളക്കൽ കേസിലെ അതിജീവിത ആദ്യമായി തന്റെ മുഖവും പേരും വെളിപ്പെടുത്തി രംഗത്ത്.

ഏഷ്യാനെറ്റ് ന്യൂസ് ചാനലിലൂടെയാണ് സിസ്റ്റർ റാനിറ്റ് രംഗത്ത് വന്നത്. അതിജീവിതയുടെ പേരും ചിത്രവും വെളിപ്പെടുത്തുന്നത് കുറ്റകരണമാണെന്നെരിക്കെ സിസ്റ്റർ സധൈര്യം മുന്നോട്ട് വരുകയായിരുന്നു.

അതുകൊണ്ട് തന്നെ ചാനൽ മുഖം മറക്കാതെയാണ് സിസ്റ്ററുടെ അഭിമുഖം ടെലികാസ്റ്റ് ചെയ്തിരിക്കുന്നത്.

കൈകളും കാലുകളും കെട്ടപ്പെട്ട നിലയിലാണ് ഇപ്പോഴുള്ള ജീവിതമെന്നും ഒറ്റപ്പെടുത്തലും കല്ലേറും കാരണം മൂന്ന് കന്യാസ്ത്രീകൾ സഭ വിട്ട് പോയെന്നും സിസ്റ്റർ തുറന്നു പറയുന്നു.

പീഡന പരാതി സഭയ്ക്കകത്ത് പറഞ്ഞതോടെ തന്നെ ഒറ്റപ്പെടുത്തി. കുടുംബത്തെയും കന്യാസ്ത്രീകളെയും ബിഷപ് ഫ്രാങ്കോ കള്ളക്കേസിൽ കുടുക്കാൻ നോക്കി. ബിഷപ് ഫ്രാങ്കോയ്ക്ക് സഹായം ചെയ്യുന്ന കന്യാസ്ത്രീകൾ മഠത്തിൽ ഉണ്ടായിരുന്നു. പണം കിട്ടാത്തത് കൊണ്ടാണ് പരാതി എന്ന വ്യാജ പ്രചാരണം നടന്നു. രൂപതയിൽ നിന്നോ ഫ്രാങ്കോയിൽ നിന്നോ ഒരു രൂപ കൈപറ്റിയിട്ടില്ല എന്നും സിസ്റ്റ‍ർ പറയുന്നു.

യംകൊണ്ടാണ് മിണ്ടാതിരുന്നതെന്നും പതിമൂന്ന് തവണ പീഡിപ്പിച്ചിട്ടും മിണ്ടാതിരുന്നോ എന്ന ചോദ്യം ഉയർന്നു. ഒരു കന്യാസ്ത്രീ എറ്റവും പ്രധാനമായി കാണുന്നത് ചാരിത്ര്യ ശുദ്ധിയാണ്. അത് നഷ്ടപ്പെട്ടു എന്ന് പൊതുസമൂഹത്തിന് മുന്നിൽ വന്നാൽ അന്ന് താൻ സഭയിൽ നിന്ന് ഇറക്കപ്പെടും. സഭ വിട്ട് പോയ പലരുടെയും അനുഭവം എനിക്ക് നേരിട്ട് അറിയാം. 'മഠം ചാടി' എന്ന പേരിലാണ് പിന്നീട് താൻ അറിയപ്പെടുക. തനിക്കും കുടുംബത്തിനും അത് എല്ലാകാലത്തേക്കും നാണക്കേടാണ്. ആ ഭയം കൊണ്ടാണ് ആദ്യം ഇത് പുറത്ത് പറയാതെ ജീവിച്ചത്. എല്ലാം ഉള്ളിലൊതുക്കി മഠത്തിൽ കഴിയേണ്ട സാഹചര്യമായിരുന്നുവെന്ന് സിസ്റ്റർ റാനിറ്റ് പറഞ്ഞു.