വന്യജീവി ആക്രമണം; വയനാടിന് 50 സക്ഷം രൂപ അനുവദിച്ച് ദുരന്ത നിവാരണ അതോറിറ്റി

FEBRUARY 12, 2025, 8:44 AM

തിരുവനന്തപുരം: വന്യജീവി ആക്രമണം രൂക്ഷമായ വയനാടിന് 50 സക്ഷം രൂപ അനുവദിച്ച് ദുരന്ത നിവാരണ അതോറിറ്റി. വയനാട് കളക്ടറുടെ ആവശ്യപ്രകാരമാണ് പണം അനുവദിച്ചത് എന്നാണ് ലഭിക്കുന്ന വിവരം. ജില്ലാ കളക്ട‍ർക്ക് പണം കൈമാറും. വയനാട്ടിൽ നിരന്തരം വന്യജീവി ആക്രമണങ്ങൾ വർദ്ധിക്കുന്ന സാഹചര്യത്തിലാണ് നടപടി ഉണ്ടായത്.

അതേസമയം വന്യജീവി അക്രമങ്ങൾ ഉള്‍പ്പെടെ തടയുന്നതിന് വേണ്ടിയാണ് ദുരന്ത നിവാരണ വകുപ്പ് പണം അനുവദിച്ചിരിക്കുന്നത്. വനാതിർത്തി പ്രദേശങ്ങളിലെ അടിക്കാട് വെട്ടാനും ഈ പണം ഉപയോഗിക്കും എന്നാണ് ലഭിക്കുന്ന വിവരം. നേരത്തെ തന്നെ ഈ പണം അനുവദിച്ചു കൊണ്ടുള്ള തീരുമാനമുണ്ടായിരുന്നു.

അവിടുത്തെ വിവിധ തരത്തിലുള്ള ലഘൂകരണ പ്രവര്‍ത്തനങ്ങള്‍ക്ക്, അടിക്കാട് വെട്ടി വന്യജീവികള്‍ പുറത്തേക്ക് വരുന്നത് തടയുന്നത് അടക്കമുള്ള കാര്യങ്ങള്‍ സ്വീകരിക്കാന്‍ ഈ പണം ഉപയോഗിക്കാം എന്നാണ് ഉത്തരവില്‍ പറയുന്നത്. ജില്ലാ കളക്ടര്‍ക്ക് പണം കൈമാറും. അടിയന്തര നടപടികള്‍ സ്വീകരിക്കാന്‍ കളക്ടര്‍ക്ക് നിര്‍ദേശം നല്‍കിയിട്ടുണ്ട്.