ഹൈദരാബാദ്: ഇറാൻ-അമേരിക്ക യുദ്ധത്തിന്റെ പശ്ചാത്തലത്തിൽ രാജ്യം നേരിടുന്ന ഊർജ്ജ പ്രതിസന്ധി മറികടക്കാൻ പെട്രോൾ, ഡീസൽ ഉപഭോഗം കുറയ്ക്കണമെന്ന പ്രധാനമന്ത്രി നരേന്ദ്ര മോദിയുടെ ആഹ്വാനത്തിന് പിന്നാലെ രാഷ്ട്രീയ പോര് മുറുകുന്നു. വിദേശനാണ്യം ലാഭിക്കാനായി ഇന്ധന ഉപഭോഗം കുറയ്ക്കുന്നതിനൊപ്പം സ്വർണ്ണം വാങ്ങുന്നതും വിദേശയാത്രകളും ഒരു വർഷത്തേക്ക് ഒഴിവാക്കണമെന്നും പ്രധാനമന്ത്രി അഭ്യർത്ഥിച്ചു. തെലങ്കാനയിലെ ഹൈദരാബാദിൽ ബി.ജെ.പി റാലിയിൽ സംസാരിക്കുകയായിരുന്നു അദ്ദേഹം.
കോവിഡ് കാലത്തെപ്പോലെ വർക്ക് ഫ്രം ഹോം, ഓൺലൈൻ മീറ്റിംഗുകൾ എന്നിവയിലേക്ക് തിരിച്ചുപോകണമെന്നും മെട്രോ ട്രെയിനുകളും ഇലക്ട്രിക് വാഹനങ്ങളും പരമാവധി ഉപയോഗിക്കണമെന്നും മോദി നിർദ്ദേശിച്ചു. എന്നാൽ, പ്രധാനമന്ത്രിയുടെ ഈ നീക്കത്തെ രൂക്ഷമായ ഭാഷയിലാണ് കോൺഗ്രസ് വിമർശിച്ചത്.
ഇന്ത്യയുടെ ഊർജ്ജ സുരക്ഷ ഉറപ്പാക്കുന്നതിൽ പരാജയപ്പെട്ട പ്രധാനമന്ത്രി സാധാരണക്കാരന്റെ മേൽ ഭാരം അടിച്ചേൽപ്പിക്കുകയാണെന്ന് എ.ഐ.സി.സി ജനറൽ സെക്രട്ടറി കെ.സി. വേണുഗോപാൽ ആരോപിച്ചു. ആഗോള പ്രതിസന്ധി മുൻകൂട്ടി കണ്ട് കരുതൽ ശേഖരം വർദ്ധിപ്പിക്കുന്നതിന് പകരം പൗരന്മാരെ ബുദ്ധിമുട്ടിക്കുന്നത് അവിവേകമാണെന്ന് അദ്ദേഹം 'എക്സിൽ' കുറിച്ചു.
അതേസമയം, പ്രധാനമന്ത്രിയുടെ ആഹ്വാനത്തെ കേന്ദ്ര പെട്രോളിയം മന്ത്രി ഹർദീപ് സിംഗ് പുരി ന്യായീകരിച്ചു. ലോകമെമ്പാടും ഇന്ധനവില വർദ്ധിക്കുമ്പോഴും ഇന്ത്യയിൽ വില കൂടാതെയുള്ള നടപടികളാണ് സർക്കാർ സ്വീകരിക്കുന്നതെന്ന് അദ്ദേഹം പറഞ്ഞു.
എണ്ണക്കമ്പനികൾ വലിയ നഷ്ടം സഹിച്ചാണ് കുറഞ്ഞ വിലയ്ക്ക് ഇന്ധനം നൽകുന്നതെന്നും പ്രധാനമന്ത്രിയുടെ ആഹ്വാനം ഒരു ജനകീയ പ്രസ്ഥാനമായി ഏറ്റെടുക്കണമെന്നും അദ്ദേഹം കൂട്ടിച്ചേർത്തു. പശ്ചിമേഷ്യൻ യുദ്ധം മൂലം വിതരണ ശൃംഖലയിലുണ്ടായ തടസ്സങ്ങളാണ് ഈ അടിയന്തര സാഹചര്യത്തിന് കാരണമെന്നാണ് സർക്കാർ വിശദീകരണം.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260519111531.jpg)
-20260621040000.jpg)
-20260130064601.jpg)
