ഭോപാല്: പതിനാറ് ലക്ഷത്തോളം ഫോളവേഴ്സുള്ള പ്രമുഖ സമൂഹമാധ്യമ ഇന്ഫ്ളുവന്സറും മോഡലുമായ നിധി തിവാരിയെ (30) വീടിനുള്ളില് മരിച്ച നിലയില് കണ്ടെത്തി. ഭൂസ മൊഹല്ലയിലെ വസതിയിലാണ് നിധിയെ തൂങ്ങി മരിച്ച നിലയില് കണ്ടെത്തിയത്. കുടുംബാംഗങ്ങള് ഉടന് തന്നെ അടുത്തുള്ള ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
രണ്ടായിരത്തി ഇരുപത്തിനാലില് മിസ് പ്രെറ്റി ഇന്ത്യ കിരീടം സ്വന്തമാക്കിയതോടെയാണ് നിധി തിവാരി മോഡലിങ്, അഭിനയ രംഗങ്ങളില് കൂടുതല് ശ്രദ്ധേയയാകുന്നത്. ചലച്ചിത്ര മേഖലയില് സജീവമാകാനുള്ള പരിശ്രമങ്ങളിലായിരുന്നു അവര്. മരണത്തിന് തൊട്ടുമുന്പ് നിധി ഫോണില് ആരോടോ സംസാരിച്ചിരുന്നതായി കുടുംബാംഗങ്ങള് വ്യക്തമാക്കിയിട്ടുണ്ട്.
മരണകാരണം ഇപ്പോഴും വ്യക്തമല്ലെന്നും അന്വേഷണം നടക്കുന്ന ഘട്ടത്തില് അടിസ്ഥാന രഹിതമായ ഊഹാപോഹങ്ങള് പ്രചരിപ്പിക്കരുതെന്നും പൊലീസ് അഭ്യര്ത്ഥിച്ചു. നിലവില് ഫോണ് കോള് രേഖകളും ഡിജിറ്റല് ഇടപാടുകളും കേന്ദ്രീകരിച്ചാണ് അന്വേഷണം പുരോഗമിക്കുന്നത്. മൊര്വ പൊലീസ് സ്റ്റേഷന് ഇന്ചാര്ജ് ഡോ. ജ്ഞാനേന്ദ്ര സിങ്ങിന്റെ നേതൃത്വത്തില് ബന്ധുക്കളില് നിന്നും സുഹൃത്തുക്കളില് നിന്നും വിവരങ്ങള് ശേഖരിച്ചു വരികയാണ്. നിധിയുടെ അപ്രതീക്ഷിത വിയോഗത്തില് സമൂഹമാധ്യമങ്ങളിലുടനീളം വന് അനുശോചന പ്രവാഹമാണ്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20201019102912.jpg)
-20260928091011.jpg)
-20260920034505.jpg)
-20201113035355.jpg)
