സെയൂട്ട / ഫ്നിഡെക്: ഉത്തരാഫ്രിക്കയിലെ സ്പാനിഷ് എന്ക്ലേവായ സെയൂട്ടയിലേക്ക് അതിക്രമിച്ചു കയറാന് ശ്രമിച്ച പതിനായിരക്കണക്കിന് കുടിയേറ്റക്കാരുടെ നീക്കത്തെ സ്പെയിന് സുരക്ഷാ സേന തടഞ്ഞു. അതിര്ത്തിയിലെ തിക്കിലും അപകടങ്ങളിലും പെട്ട് 57 പേര് മരിച്ചതായി ഔദ്യോഗിക വൃത്തങ്ങള് സ്ഥിരീകരിച്ചു. അതിര്ത്തിയിലെ കടല്ഭിത്തിയും വേലികളും കയറാന് ശ്രമിക്കുന്നതിനിടെ മുങ്ങിമരിച്ചും തിക്കിലും തിരക്കിലുംപെട്ട് ചതഞ്ഞരഞ്ഞുമാണ് ഭൂരിഭാഗം പേരും മരണപ്പെട്ടത്.
വ്യാഴാഴ്ച മുതല് കരയിലൂടെയും കടലിലൂടെയും സെയൂട്ടയിലേക്ക് കടന്ന അരലക്ഷത്തോളം ആളുകളില് ഭൂരിഭാഗവും ഇപ്പോള് സ്വമേധയാ മൊറോക്കോയിലേക്ക് തന്നെ തിരികെ മടങ്ങുകയാണ്. അതിര്ത്തി കടന്നെത്തിയ കുടിയേറ്റക്കാര്ക്ക് സെയൂട്ടയില് ഭക്ഷണവും അഭയവും കണ്ടെത്താന് കഴിയാതെ വന്നതാണ് തിരിച്ചടിയായത്. പണവുമായി വന്നിട്ടും ഭക്ഷണം ലഭിച്ചില്ലെന്നും ഇത്തരം ശ്രമങ്ങള് ദുരിതം മാത്രമാണ് നല്കുന്നതെന്നും അതിര്ത്തി വഴി തിരികെ മടങ്ങുന്ന യുവാക്കള് വെളിപ്പെടുത്തി.
നഗരത്തിനുള്ളില് സ്പാനിഷ് സൈന്യം ശക്തമായ നിയന്ത്രണങ്ങള് ഏര്പ്പെടുത്തിയതോടെ നൂറുകണക്കിന് ആളുകളാണ് അതിര്ത്തിയിലെ കവാടങ്ങളിലൂടെയും അല്ലാതെയും മൊറോക്കോയിലേക്ക് മടങ്ങുന്നത്. സുരക്ഷാ സേന ശക്തമായ നിയന്ത്രണം ഏര്പ്പെടുത്തിയതോടെ അതിര്ത്തി അടഞ്ഞ നിലയിലാണ്. ഈ സംഭവം യൂറോപ്യന് രാജ്യങ്ങള്ക്കിടയില് വലിയ രാഷ്ട്രീയ തര്ക്കങ്ങള്ക്കാണ് വഴി തുറന്നിരിക്കുന്നത്. സ്പെയിന്റെ അയഞ്ഞ കുടിയേറ്റ നയങ്ങളാണ് ഇത്തരം വന് കടന്നുകയറ്റങ്ങള്ക്ക് കാരണമെന്ന് വലതുപക്ഷ പാര്ട്ടികളും അമേരിക്ക ഉള്പ്പെടെയുള്ള മറ്റ് രാജ്യങ്ങളും ആരോപിച്ചു.
സാഹചര്യം കണക്കിലെടുത്ത് സ്പെയിനുമായുള്ള അതിര്ത്തിരഹിത ഷെങ്കന് കരാര് ഇറ്റലി താല്ക്കാലികമായി റദ്ദാക്കി. അതേസമയം, സംഭവം സ്പെയിന്റെ പരമാധികാരത്തിന്മേലുള്ള ലംഘനമാണെന്ന് വ്യക്തമാക്കിയ സ്പാനിഷ് പ്രധാനമന്ത്രി പെഡ്രോ സാഞ്ചസ്, മൊറോക്കോയുടെ സഹകരണത്തോടെ കുടിയേറ്റക്കാരെ തിരിച്ചയക്കുന്ന നടപടികള് വേഗത്തിലാക്കാന് ഉത്തരവിട്ടു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260501115717.jpg)
-20260729121854.jpg)
-20260730113506.jpg)
-20260730101805.jpg)
-20260730071425.jpg)
-20260729121626.jpg)
