ഉക്രൈൻ തുറമുഖത്ത് തുർക്കി കപ്പലിന് നേരെ റഷ്യൻ ആക്രമണം; പ്രദേശത്തെ താമസക്കാരെ ഒഴിപ്പിച്ചു

NOVEMBER 17, 2025, 7:46 AM

ഉക്രെയ്‌നിലെ ഇസ്മായിൽ തുറമുഖത്ത് റഷ്യൻ ഡ്രോൺ ആക്രമണം. തുർക്കിയുടെ എൽപിജി ടാങ്കറിലേക്കാണ് റഷ്യൻ ഡ്രോൺ ആക്രമണം നടത്തിയത്.

4,000 ടൺ വരെ എൽപിജി വഹിച്ചിരുന്ന കപ്പലിൽ നിന്ന് തീയും പുകയും ആകാശത്തേക്ക് ഉയരുന്നത് സോഷ്യൽ മീഡിയയിൽ പങ്കിട്ട വീഡിയോയിൽ കാണിക്കുന്നുണ്ടെന്ന് റിപ്പോർട്ടുകൾ പറയുന്നു

ഇതേതുടർന്ന് നാറ്റോ അംഗമായ റൊമാനിയ താമസക്കാരെ ഒഴിപ്പിച്ചു. തുർക്കി ഷിപ്പിംഗ് പ്രസിദ്ധീകരണമായ ഡെനിസ് ഹേബർ പറയുന്നതനുസരിച്ച്, ഒറിൻഡ എന്ന കപ്പലിന് നേരെയാണ് ആക്രമണം ഉണ്ടായത്. കപ്പലിലെ 16 ജീവനക്കാരെയും ഒഴിപ്പിച്ചു, അവർ സുരക്ഷിതരാണ്.

ഉക്രെയ്നുമായി അതിർത്തി പങ്കിടുന്ന തുൾസിയ കൗണ്ടി, ഉക്രെയ്നിലെ ഇസ്മായിൽ തുറമുഖത്തിന് തൊട്ടുമുകളിൽ ഡാന്യൂബ് നദിക്ക് കുറുകെയാണ് സ്ഥിതി ചെയ്യുന്നത്.

ഉക്രെയ്നിലെ റഷ്യയുടെ ആക്രമണം യൂറോപ്പിന്റെ മറ്റ് രാജ്യങ്ങളിലേക്കും വ്യാപിച്ചേക്കാമെന്ന ആശങ്ക ഈ സംഭവം ഉയർത്തിയിട്ടുണ്ട്. ആക്രമണത്തെ തുടർന്ന് പ്ലോറു പ്രദേശത്ത് നിന്ന് 15 പേരെ തിങ്കളാഴ്ച ഒഴിപ്പിച്ചതായി റൊമാനിയൻ അധികൃതർ അറിയിച്ചു.