അല്ലു അർജുൻ്റെ പുഷ്പ 2 വുമായുള്ള റിലീസ് ക്ലാഷ് ഒഴിവാക്കാൻ വിക്കി കൗശലിൻ്റെ ഛാവയുടെ റിലീസ് മാറ്റി. പുഷ്പ: ദി റൂൾ ഡിസംബർ 5നാണു  തീയേറ്ററുകളിൽ എത്തുക.വിക്കി കൗശലിൻ്റെ ഛാവ ഒരു ദിവസത്തിന് ശേഷം ഡിസംബർ 6 ന് റിലീസ് ചെയ്യും.

മിഡ്-ഡേ റിപ്പോർട്ടുകൾ പ്രകാരം ഒരു ബോക്‌സ് ഓഫീസ് ക്ലാഷ്  ഒഴിവാക്കാനാണ് ഛാവയുടെ നിർമ്മാതാക്കൾ  റിലീസ് തീയതി മാറ്റിയത്. 

ശിവാജി സാവന്തിൻ്റെ ഒരു നോവലിനെ അടിസ്ഥാനമാക്കി ഛത്രപതി ശിവാജി മഹാരാജിൻ്റെ മകൻ ഛത്രപതി സംഭാജി മഹാരാജിൻ്റെ കഥയാണ് ഛാവ പറയുന്നത്. സിനിമയിൽ വിക്കി കൗശൽ ഛത്രപതി സാംഭാജി മഹാരാജിൻ്റെ വേഷം അവതരിപ്പിക്കുന്നു.

രശ്മിക സാംഭാജിയുടെ ഭാര്യ യേശുഭായായി വേഷമിടുന്നു, ദിവ്യ ദത്ത രണ്ടാനമ്മയായ സോയാരാബായിയെ അവതരിപ്പിക്കുന്നു. മുഗൾ ചക്രവർത്തിയായ ഔറംഗസേബായി  അക്ഷയ് ഖന്ന എത്തും.

അതേസമയം തെന്നിന്ത്യൻ സിനിമാസ്വാദകർ ഒന്നടങ്കം കാത്തിരിക്കുന്നൊരു സിനിമയാണ് പുഷ്പ 2. പ്രിയ നടൻ ഫഹദ് ഫാസിലിന്റെ മിന്നും പ്രകടനം കാണാൻ മലയാളികളും കാത്തിരിക്കുകയാണ്. സുകുമാർ സംവിധാനം ചെയ്ത ചിത്രം ഡിസംബർ അഞ്ചിന് തിയറ്ററുകളിൽ എത്തും. 2021ലാണ് പുഷ്പയുടെ ആദ്യഭാഗം റിലീസ് ചെയ്യുന്നത്. ഇതിലെ പ്രകടനത്തിന് മികച്ച നടനുള്ള ദേശീയ പുരസ്കാരം അല്ലു അര്‍ജുന് ലഭിച്ചിരുന്നു.  

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്