ഫ്രാൻസിസ് മാർപാപ്പയുടെ പെട്ടെന്നുള്ള വിയോഗ വാർത്ത ലോകമെമ്പാടും ഞെട്ടലുണ്ടാക്കിയിരിക്കുകയാണ്. മതവിശ്വാസികളും ലോക നേതാക്കളും രാഷ്ട്രീയക്കാരും അദ്ദേഹത്തിന്റെ വിയോഗത്തിൽ അനുശോചിച്ചു.  സഭാ ചരിത്രത്തിലെ ഈ നിമിഷം സോഷ്യൽ മീഡിയയിൽ പ്രതികരണങ്ങളുടെ ഒരു പ്രവാഹത്തിന് കാരണമായി. 

 ഓസ്കാർ നോമിനേറ്റഡ് ഹോളിവുഡ് സിനിമയായ 'കോൺക്ലേവ്' പുറത്തിറങ്ങി മാസങ്ങൾക്ക് ശേഷമാണ് ഈ വാർത്ത വരുന്നത്. വത്തിക്കാൻ സിറ്റിയിൽ ഇപ്പോൾ സംഭവിക്കാൻ പോകുന്ന സംഭവവികാസങ്ങളെ നാടകീയമായി അവതരിപ്പിക്കുന്ന ചിത്രമാണിത്. മാർപ്പാപ്പയെ തെരഞ്ഞെടുക്കുന്ന പ്രക്രിയയാണ് സിനിമയുടെ കഥാതന്തു.

2016ൽ പുറത്തിറങ്ങിയ ബെസ്റ്റ് സെല്ലർ പുസ്തകമായ കോൺക്ലേവിനെ അടിസ്ഥാനമാക്കിയാണ് ചിത്രമെടുത്തത്. പീറ്റർ സ്ട്രോഗന്‍റേതാണ് മനോഹരമായ തിരക്കഥ. സിസ്റ്റൈൻ ചാപ്പലിലെ നിഗൂഢമായ ഇടവഴികളിലൂടെയും കോൺക്ലേവിലെ കർദിനാൾമാരുടെ അടക്കംപറച്ചിലുകളിലൂടെയും മുന്നോട്ടുപോകുന്ന കഥാതന്തു മികച്ച സിനിമാ അനുഭവമാണ് പ്രേക്ഷകന് നൽകുന്നത്.

ഈ ചിത്രം വ്യാപകമായ പ്രശംസ നേടി, സ്ക്രീൻ ആക്ടേഴ്സ് ഗിൽഡ് അവാർഡുകൾ, ഇഇ ബ്രിട്ടീഷ് അക്കാദമി ഫിലിം അവാർഡുകൾ, മികച്ച അഡാപ്റ്റഡ് തിരക്കഥയ്ക്കുള്ള അക്കാദമി അവാർഡ് എന്നിങ്ങനെയും നേടിയിരുന്നു.  വരും ദിവസങ്ങളിൽ മാർപ്പാപ്പയുടെ ശവസംസ്കാര ചടങ്ങുകൾ ആരംഭിക്കുന്നതിനാൽ, കോൺക്ലേവിന്റെ ഡിജിറ്റൽ റിലീസ് ഇപ്പോൾ ഏപ്രിൽ 22 ന് പ്രൈം വീഡിയോയിൽ ലഭ്യമാകും.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്