പേടിഎമ്മിനോട് മോദിയ്ക്കുള്ള ബന്ധം ഇത്ര ശക്തമായിരുന്നോ എന്നാണ് ഇപ്പോള്‍ സോഷ്യല്‍മീഡിയയുടെ ചോദ്യം. മോദിയും പേടിഎം എന്ന ഓണ്‍ലൈന്‍ പേമെന്റ് ബാങ്കിന്റെ ഉടമസ്ഥന്‍ വിജയ് ശേഖറും നല്ല കട്ട സുഹൃത്തുക്കളായിരുന്നു. പഠിക്കുമ്പോള്‍ മിടുക്കനായ വിദ്യാര്‍ത്ഥി ആയിരുന്നു വിജയ് ശേഖര്‍.
നോട്ട് നിരോധന സമയത്ത് മോദിയുടെ ചിത്രത്തോടൊപ്പം വിജയ് ശേഖറിന്റെ കമ്പനിയുടെ പരസ്യവും ഉണ്ടായിരുന്നു. എടിഎം വേണ്ട, പകരം പേടിഎം ചെയ്യൂ എന്നായിരുന്നു പരസ്യം. നോട്ട് നിരോധനത്തോടെയാണ് ചെറിയ തുകകള്‍ കൈമാറാന്‍ പേടിഎം ഇന്ത്യക്കാര്‍ക്ക് തുണയായത്. അതോടെ പേടിഎമ്മും വളര്‍ന്നു ഉടമ വിജയ് ശേഖറും ഇന്ത്യന്‍ പ്രധാനമന്ത്രിയുമായുള്ള ബന്ധവും വളര്‍ന്നു.
നിയമം തെറ്റിക്കുന്നവര്‍ക്ക് രാഷ്ട്രീയ അഭയം നല്‍കല്‍ മോദിയുടെ നയമല്ലെന്നാണ് പ്രധാനമന്ത്രിയുടെ പോളിസി. ചൈനയുമായി കമ്പനിക്ക് ചില പണമിടപാടുകള്‍ ഉണ്ടെന്ന സംശയം കുറച്ചുനാളായി ഉയര്‍ന്നിരുന്നു. അതുപോലെ രണ്ട് ലക്ഷത്തില്‍ കൂടുതല്‍ നിക്ഷേപിക്കാന്‍ പാടില്ലാത്ത ലൈസന്‍സാണ് റിസര്‍വ്വ് ബാങ്ക് നല്‍കിയിരുന്നതെങ്കിലും അതിനേക്കാള്‍ കൂടുതല്‍ തുക നിക്ഷേപിച്ച് നിയമ ലംഘനം നടത്തിക്കൊണ്ടേയിരുന്നു പേ ടിഎം. പലപ്പോഴായി പിഴ വീഴുകയും ചെയ്തിരുന്നു. കൂടുതല്‍ തുക നിക്ഷേപിച്ചുള്ള നിയമലംഘനത്തിന് പേടിഎം നല്‍കിയ പിഴ തന്നെ 5.39 കോടിയോളം വരും. എന്നിട്ടും നിയമലംഘനം തുടര്‍ന്നതോടെയാണ് റിസര്‍വ്വ് ബാങ്ക് അറ്റകൈ പ്രയോഗം നടത്തിയത്.
2022 ല്‍ തന്നെ പുതിയ ഉപയോക്താക്കളെ ചേര്‍ക്കരുതെന്ന് റിസര്‍വ്വ് ബാങ്ക് വിലക്കിയിരുന്നു. എന്നിട്ടും കമ്പനി പുതിയ ഉപഭോക്താക്കളെ ചേര്‍ത്തുകൊണ്ടിരുന്നു. ചൈനയില്‍ നിന്നുള്ള വ്യവസായി ജാക് മാ സ്ഥാപിച്ച ആന്റ് എന്ന കമ്പനിയുമായി ചേര്‍ന്ന് പ്രവര്‍ത്തിച്ച വിജയ് ശേഖറിന്റെ നീക്കവും റിസര്‍വ്വ് ബാങ്കിന് അത്ര രസിച്ചില്ല. കഴിഞ്ഞ വര്‍ഷം ആന്റുമായുള്ള ബന്ധം അവസാനിപ്പിച്ചു. പക്ഷെ റിസ്‌ക് മാനേജ്‌മെന്റിന്റെ കാര്യത്തില്‍ ഇന്ത്യയിലെ ധനകാര്യസ്ഥാപനങ്ങള്‍ വീഴ്ചവരുത്തുന്നതായി റിസര്‍വ്വ് ബാങ്ക് ഗവര്‍ണര്‍ ശക്തികാന്ത ദാസ് താക്കീത് നല്‍കിയിരുന്നു.
നിയന്ത്രണങ്ങളില്ലാതെ പലരും വായ്പ നല്‍കുന്നത് ഗുരുതരമായ സാമ്പത്തിക പ്രതിസന്ധിയുണ്ടാക്കുമെന്നും ശക്തികാന്ത ദാസ് താക്കീത് നല്‍കിയിരുന്നു. ഇതിന് പിന്നാലെയാണ് പേ ടിഎമ്മിനെതിരായ നടപടി ഉണ്ടായത്. പേടിഎം ബാങ്കിന്റെ ചില സേവനങ്ങള്‍ നിര്‍ത്തലാക്കിക്കൊണ്ട് റിസര്‍വ്വ് ബാങ്ക് ഉത്തരവിട്ടു. ഫെബ്രുവരി 29 മുതല്‍ പുതിയ നിക്ഷേപങ്ങള്‍ സ്വീകരിക്കാനോ വാലറ്റുകള്‍ ടോപ് അപ് ചെയ്യാനോ പാടില്ലെന്ന് മാത്രമല്ല പുതിയ ഉപയോക്താക്കളെ ചേര്‍ക്കരുതെന്നും താക്കീത് ചെയ്തിരുന്നു.
ഓഹരിവിപണിയില്‍ പലരും പ്രതീക്ഷയോടെ നിക്ഷേപിച്ച ഓഹരിയാണ് പേ ടിഎമ്മിന്റേത്. നാല് ദിവസം മുന്‍പ് 761 രൂപയുണ്ടായിരുന്ന പേ ടിഎമ്മിന്റെ മാതൃകമ്പനിയായ വണ്‍ 97 കമ്മ്യൂണിക്കേഷന്‍സിന്റെ ഓഹരി വില 466 രൂപയായി ഉയര്‍ന്നു. ഇപ്പോള്‍ പേടിഎം ഉപേക്ഷിച്ച് മറ്റ് ഓണ്‍ലൈന്‍ പേമെന്റ് ആപുകളിലേക്ക് മാറാന്‍ ഇന്ത്യയിലെ ഉപയോക്താക്കളോട് കോണ്‍ഫെഡറേഷന്‍ ഓഫ് ഓള്‍ ഇന്ത്യ ട്രേഡേഴ്‌സ് (സിഎഐടി) ആവശ്യപ്പെട്ടിരിക്കുകയാണ്. ഇതോടെയാണ് ഓഹരി വില തകര്‍ന്നത്. എന്നാല്‍ ചൊവ്വാഴ്ച അഞ്ച് ശതമാനത്തോളം ഓഹരി വില ഉയര്‍ന്നിരുന്നു.
വിജയ് ശേഖര്‍ കരകയറുമോ?
ഇതിനിടെ പ്രതിസന്ധി പരിഹരിക്കുമെന്നും ആരെയും പിരിച്ചുവിടില്ലെന്നും പറഞ്ഞ് ജീവനക്കാര്‍ക്ക് പ്രതീക്ഷ പകരുകയും ചെയ്യുന്നുണ്ട് വിജയ് ശേഖര്‍. ചര്‍ച്ചകളിലൂടെ റിസര്‍വ്വ് ബാങ്കുമായുള്ള പ്രശ്‌നം പരിഹരിക്കുമെന്നും അദ്ദേഹം പറയുന്നു. ഇന്ത്യ കണ്ട മികച്ച ബിസിനസുകാരനും സാങ്കേതി വിദ്യാവിദഗ്ധനുമാണ് വിജയ് ശേഖര്‍. ആദ്യം വണ്‍97 കമ്മ്യൂണിക്കേഷന്‍സ് എന്ന കമ്പനി തുടങ്ങിയപ്പോള്‍ ഓണ്‍ലൈന്‍ സാങ്കേതിക വിദ്യ ഉപയോഗപ്പെടുത്തിയ ചെറിയ ചെറിയ ബിസിനസുകളായിരുന്നു മനസില്‍. 200 ല്‍ ക്രിക്കറ്റ് സ്‌കോറുകളും വാര്‍ത്തകളും തമാശകളും കൈമാറുന്ന കമ്പനി മാത്രമായിരുന്നു വണ്‍ 97 കമ്മ്യൂണിക്കേഷന്‍സ്.
2010 ലാണ് പേ ടിഎം എന്ന പേരില്‍ ഓണ്‍ലൈന്‍ പേമെന്റ് എന്ന ആശയം ആരംഭിച്ചത്. മുന്‍കാല ചരിത്രം കൊണ്ടു തന്നെ ബിസിനസ് സംരംഭങ്ങളെല്ലാം മികച്ചതാക്കിയ മിടുക്കനായ വിജയ് ശേഖര്‍ എല്ലാ പ്രതിസന്ധികളും തീര്‍ത്ത് പുറത്തുവരുമെന്ന പ്രതീക്ഷയും ഒട്ടേറെപ്പേര്‍ക്കുണ്ട്.
ഫേസ്ബുക്കിൽ വാർത്തകൾ അറിയാൻ പേജ് ലൈക്ക് ചെയ്യുക
Facebook ലിങ്ക് 👇
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്തിട്ട് ലൈക്ക് / Follow ബട്ടൺ ക്ലിക്ക് ചെയ്യുക.
ഒപ്പം vachakam.com ന്റെ YouTube ചാനൽ സബ്സ്ക്രൈബ് ചെയ്യാനും മറക്കല്ലേ...
ചാനൽ ലിങ്ക്: https://www.youtube.com/channel/UCXRVmXRlpFL8TzgXtb8IIyw?sub_confirmation=1
.jpg)
-20250610041458.jpeg)
