ടെഹ്റാൻ: യുണൈറ്റഡ് സ്റ്റേറ്റ്സ് പ്രഖ്യാപിച്ച പുതിയ ഉപരോധങ്ങൾ പ്രാബല്യത്തിൽ വരാൻ മണിക്കൂറുകൾ മാത്രം ബാക്കിനിൽക്കെ, ഇറാനിൽ നിന്നുള്ള ആദ്യഘട്ട വിമാന സർവീസുകൾ റദ്ദാക്കി. ഇറാഖ്, ഒമാൻ എന്നീ രാജ്യങ്ങളുടെ തലസ്ഥാനങ്ങളിലേക്കുള്ള സർവീസുകളാണ് ബുധനാഴ്ച അർധരാത്രിയോടെ റദ്ദാക്കുന്നത് എന്ന് പ്രാദേശിക മാധ്യമങ്ങൾ റിപ്പോർട്ട് ചെയ്തു.
ഇറാനിൽ നിന്നുള്ള വിമാന സർവീസുകൾ ഇനി മുതൽ ബാഗ്ദാദ്, മസ്കറ്റ് വിമാനത്താവളങ്ങളിൽ സ്വീകരിക്കില്ലെന്ന് സിവിൽ ഏവിയേഷൻ വക്താവിനെ ഉദ്ധരിച്ച് തസ്നീം വാർത്താ ഏജൻസി റിപ്പോർട്ട് ചെയ്തു. അതേസമയം, ഇസ്താംബുൾ ഉൾപ്പെടെയുള്ള മറ്റ് അന്താരാഷ്ട്ര സർവീസുകൾ നിലവിൽ തടസ്സങ്ങളില്ലാതെ സാധാരണ നിലയിൽ തുടരുമെന്നും റിപ്പോർട്ടിലുണ്ട്.
ഇറാനിയൻ തീർത്ഥാടകരുടെ പ്രധാന കേന്ദ്രമായ നജാഫിലേക്ക് ബാഗ്ദാദ് വിമാന സർവീസുകൾ പുനഃക്രമീകരിക്കുന്നതിനായി ഇറാന്റെ വ്യോമയാന അധികൃതർ ചർച്ചകൾ നടത്തിവരികയാണ്. ഒമാനുമായും ചർച്ചകൾ തുടരുന്നതായി വാർത്താ ഏജൻസിയായ ഇസ്ന വ്യക്തമാക്കി.
വിലക്ക് നടപ്പാക്കുന്നതിനെക്കുറിച്ച് ഇറാഖ് സർക്കാർ ഔദ്യോഗികമായി പ്രഖ്യാപിച്ചിട്ടില്ലെങ്കിലും, യു.എസ് നിർദ്ദേശം ബാഗ്ദാദ് പാലിക്കുമെന്ന് മുതിർന്ന സർക്കാർ ഉദ്യോഗസ്ഥരെ ഉദ്ധരിച്ച് വാർത്താ ഏജൻസിയായ എ.എഫ്.പി റിപ്പോർട്ട് ചെയ്തു.
ഈ മാസമാദ്യം ഇറാൻ വ്യോമയാന മേഖലയെ കരിമ്പട്ടികയിൽ പെടുത്തിയ അമേരിക്ക, ഇറാന്റെ എയർലൈനുകളുമായി സഹകരിക്കുന്ന വിദേശ സംഘടനകൾക്കെതിരെയും ഉരോധം ഏർപ്പെടുത്തുമെന്ന് മുന്നറിയിപ്പ് നൽകിയിരുന്നു.
യു.എസ് ഉരോധത്തിന്റെ പശ്ചാത്തലത്തിൽ ബുധനാഴ്ച മുതൽ ഇറാനിയൻ എയർലൈനുകൾക്ക് സർവീസ് നടത്തുക കഠിനമായിരിക്കുമെന്ന് യു.എസ് ട്രഷറി സെക്രട്ടറി സ്കോട്ട് ബെസന്റ് തിങ്കളാഴ്ച വ്യക്തമാക്കിയിരുന്നു. ലോകമെമ്പാടുമുള്ള എല്ലാ ഇറാനിയൻ എയർലൈനുകളുടെയും പ്രവർത്തനം ഇതോടെ സ്തംഭിക്കുമെന്നും സി.എൻ.ബി.സിക്ക് നൽകിയ അഭിമുഖത്തിൽ അദ്ദേഹം പറഞ്ഞു
പി പി ചെറിയാൻ
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
