അമേരിക്കയിലെ ഇല്ലിനോയിലെ ഡെമോക്രാറ്റിക് പാർട്ടി ഗവർണറായ ജെ.ബി. പ്രിറ്റ്സ്‌കർ മൂന്നാം തവണയും  ഗവർണർ സ്ഥാനത്തേക്ക് മത്സരിക്കാനൊരുങ്ങുന്നതായി റിപ്പോർട്ട്. ഇത് സംബന്ധിച്ച പ്രഖ്യാപനം അദ്ദേഹം വ്യാഴാഴ്ച നടത്തുമെന്ന് വിവരം ലഭിച്ചതായി മാധ്യമങ്ങൾ റിപ്പോർട്ട് ചെയ്തു.

ഹയാത് ഹോട്ടൽ ചെയിൻ ഉടമയായ പ്രിറ്റ്സ്‌കർ പ്രശസ്തമായ പ്രിറ്റ്സ്‌കർ കുടുംബാംഗമാണ്. ഇത് കൂടാതെ അദ്ദേഹം സ്വന്തം വെഞ്ചർ ക്യാപിറ്റൽ, ഇൻവസ്റ്റ്‌മെന്റ് കമ്പനിയെയും ആരംഭിച്ചിട്ടുണ്ട്. ഇല്ലിനോയിന്റെ തലസ്ഥാനമായ സ്പ്രിങ്‌ഫീൽഡിലേക്ക് യാത്ര പോകുന്നതിന് മുമ്പായി അദ്ദേഹം ഷിക്കാഗോയിൽ ഔദ്യോഗിക പ്രഖ്യാപനം നടത്തും എന്നാണ് ലഭിക്കുന്ന വിവരം.

അമേരിക്കയിലെ ആറാമത്തെ വലിയ ജനസംഖ്യയുള്ള സംസ്ഥാനമാണ് ഇല്ലിനോയി. ഇവിടെ സംസ്ഥാന തലസ്ഥാനമായ ഏതെങ്കിലും പദവിക്ക് കാലാവധി പരിധിയില്ല. എങ്കിലും കഴിഞ്ഞ മൂന്ന് പതിറ്റാണ്ടിലേറെയായി ഇല്ലിനോയിൽ ആരും മൂന്നാം തവണ ഗവർണറായി തെരഞ്ഞെടുക്കപ്പെട്ടിട്ടില്ല. അവസാനമായി റിപ്പബ്ലിക്കൻ പാർട്ടിയിലെ ജിം തോമ്പ്സൺ 1970-80 കാലഘട്ടത്തിൽ നാലു തവണ ഗവർണറായി വിജയം നേടിയിരുന്നു.

അതേസമയം പ്രിറ്റ്സ്‌കർ ട്രംപ് ഭരണകാലത്ത് ഉണ്ടായ പല വിവാദ തീരുമാനങ്ങൾക്കെതിരെ ശക്തമായി സംസാരിച്ച പ്രമുഖ ഡെമോക്രാറ്റിക് നേതാവാണ്. "നാം പൊരുതാൻ തയ്യാറാകണം," എന്നാണ് ഏപ്രിൽ മാസത്തിൽ ഫോക്‌സ് ന്യൂസിന് നൽകിയ അഭിമുഖത്തിൽ അദ്ദേഹം പറഞ്ഞത്. "രാജ്യത്തിൻറെ ഭരണഘടനാപരമായ വലിയ പ്രതിസന്ധിയിലാണ് നാം. ട്രംപ് ഭരണകൂടത്തിന്റെ നയങ്ങൾ ഏറെ ആളുകളെ ദോഷകരമായി ബാധിക്കുന്നു" "നിങ്ങൾ എന്റെ നാട്ടുകാരെ തൊട്ടാൽ, ആദ്യം എനിക്ക് മുന്നിൽവരിക," എന്നാണ് അദ്ദേഹം മാധ്യമങ്ങളോട് പറഞ്ഞത്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്