വാഷിംഗ്ടൺ ഡി സി :വിദേശ സഹായ രംഗത്ത് ചരിത്രപരമായ പ്രഖ്യാപനവുമായി യു.എസ് സ്റ്റേറ്റ് ഡിപ്പാർട്ട്മെന്റ്. ആഗോള ആരോഗ്യമാനുഷിക സേവനങ്ങൾക്കായി വിശ്വാസാധിഷ്ഠിത സംഘടനകൾക്ക് ഏകദേശം 200 കോടി ഡോളറിന്റെ പങ്കാളിത്ത ധനസഹായം പ്രഖ്യാപിച്ചു.
കഴിഞ്ഞ 20 വർഷത്തിനിടയിൽ ഇത്തരം സംഘടനകൾക്ക് ലഭിക്കുന്ന ഏറ്റവും വലിയ ആഗോള ആരോഗ്യ വിദേശ സഹായമാണിത്. വേൾഡ് വിഷൻ, കംപാഷൻ ഇന്റർനാഷണൽ, സമരിറ്റൻസ് പഴ്സ് തുടങ്ങിയ പ്രമുഖ ആഗോള സംഘടനകൾക്ക് ഇതിന്റെ പ്രയോജനം ലഭിക്കും.
'അമേരിക്ക ഫസ്റ്റ് ആഗോള ആരോഗ്യ തന്ത്രത്തിന്റെ' (AFGHS) ഭാഗമായി, 20ലധികം രാജ്യങ്ങളിലെ വിശ്വാസാധിഷ്ഠിത ആശുപത്രികൾക്കും ക്ലിനിക്കുകൾക്കും ആരോഗ്യ സേവനങ്ങൾക്കുമായി 140 കോടി ഡോളർ വകയിരുത്തിയിരിക്കുന്നു. ഇതിലൂടെ 30,000ത്തിലധികം ആരോഗ്യ പ്രവർത്തകർക്ക് പരിശീലനവും പിന്തുണയും ലഭിക്കും.
ദുരന്തമുഖങ്ങളിൽ പെട്ട 7 ദശലക്ഷത്തോളം ആളുകളിലേക്ക് സഹായം എത്തിക്കുന്നതിനായി സമരിറ്റൻസ് പഴ്സിനും മറ്റ് കൺസോർഷ്യങ്ങൾക്കുമായി 53.8 കോടി ഡോളർ അനുവദിച്ചു. ഇതിൽ 10 കോടി ഡോളറിലധികം തുക ലോകമെമ്പാടുമുള്ള സ്വാഭാവിക ദുരന്തങ്ങളെ നേരിടാൻ ഉടൻ ലഭ്യമാക്കും.
ഫണ്ടിന്റെ കാര്യക്ഷമത: ലഭിക്കുന്ന ഫണ്ടിന്റെ കുറഞ്ഞത് 80 ശതമാനവും നേരിട്ട് താഴെത്തട്ടിലുള്ള സേവനങ്ങൾക്കായി വിനിയോഗിക്കുമെന്ന് അധികൃതർ വ്യക്തമാക്കിയിട്ടുണ്ട്.
പി.പി. ചെറിയാൻ
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260616112724.jpg)
