ചെന്നൈ: തമിഴ്‌നാട് മുൻ വിദ്യാഭ്യാസ മന്ത്രിയും ഡിഎംകെ നേതാവുമായ അൻബിൽ മഹേഷ് പൊയ്യാമൊഴി അഴിമതി കേസിൽ അറസ്റ്റിൽ. ചെന്നൈ പൊലിസിൻറെ സെൻട്രൽ ക്രൈം ബ്രാഞ്ച് ആണ് ഡിഎംകെ നേതാവിനെ അറസ്റ്റ് ചെയ്തത്. തിങ്കളാഴ്‌ച മദ്രാസ് ഹൈക്കോടതി മുൻകൂർ ജാമ്യാപേക്ഷ തള്ളിയതിന് പിന്നാലെയാണ് നടപടി.
സ്റ്റാലിൻ സർക്കാരിൽ സ്കൂൾ വിദ്യാഭ്യാസമന്ത്രിയായിരുന്നു അൻപിൽ മഹേഷ്. പാർട്ടി ഫണ്ട് പിരിവ് കേസിലാണ് അറസ്റ്റ്. 100 കോടി രൂപ സ്വകാര്യ സ്കൂളുകളിൽ നിന്ന് പിരിച്ചു എന്നാണ് കേസ്.
സർക്കാർ അംഗീകാരങ്ങൾ ലഭ്യമാക്കാമെന്ന വാഗ്ദാനത്തിൽ സ്വകാര്യ സ്ഥാപനങ്ങളിൽനിന്ന് പണം കൈപ്പറ്റിയെന്നാണ് കേസ്.
177 സ്കൂളുകളിൽ നിന്ന് പണം കൈപ്പറ്റിയതായാണ് കണ്ടെത്തൽ. മുൻ മന്ത്രിക്കെതിരായ ഡിജിറ്റൽ തെളിവുകളും മൊഴികളും ലഭിച്ചതായാണ് വിവരം. അതേസമയം അൻബിൽ മഹേഷ് പൊയ്യാമൊഴി തനിക്കെതിരായ ആരോപണങ്ങൾ നിഷേധിച്ചു. മുൻ മന്ത്രി അൻപിൽ പൊയ്യാമൊഴിയുടെ മകനാണ് അൻപിൽ മഹേഷ്.
തിരുവരമ്പൂരിൽ നിന്ന് രണ്ട് തവണ എംഎൽഎ ആയിരുന്നു അൻപിൽ മഹേഷ്. ഡിഎംകെ തിരുച്ചിറപ്പള്ളി സൗത്ത് ജില്ലാ സെക്രട്ടറിയാണ്. ചെന്നൈയിലെ അപ്പാർട്മെന്റിൽ നിന്നാണ് അറസ്റ്റ് ചെയ്തത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260119112532.webp)
-20261026030240.jpg)
