സോഷ്യൽ സെക്യൂരിറ്റി, മെഡിക്കെയർ ഫണ്ടുകൾ തീരാൻ കുറച്ച് വർഷങ്ങൾ മാത്രമെന്ന് റിപ്പോർട്ട്: ആശങ്കയിൽ ലക്ഷക്കണക്കിന് ജനങ്ങൾ

JUNE 18, 2025, 9:03 PM

അമേരിക്കൻ സർക്കാർ നൽകുന്ന പ്രധാന സഹായങ്ങൾ ആയ സോഷ്യൽ സെക്യൂരിറ്റിയും മെഡിക്കെയറും നൽകുന്ന ധനസഹായ ഫണ്ടുകൾക്കുള്ള പണം 8 വർഷത്തിനുള്ളിൽ തീർന്നു പോകും എന്ന് അവരുടെ ട്രസ്റ്റികൾ ബുധനാഴ്ച പ്രസിദ്ധീകരിച്ച റിപ്പോർട്ടിൽ വ്യക്തമാക്കുന്നു. ഫണ്ടുകൾക്കായുള്ള പണം 2033-ലോ അതിനുമുമ്പോ തീർന്നു പോകും എന്നാണ് പുതിയ റിപ്പോർട്ട് വ്യക്തമാക്കുന്നത്.

എന്നാൽ ഈ സമയപരിധി മുമ്പ് കണക്കാക്കിയതിലേക്കാൾ കുറവാണ്. സോഷ്യൽ സെക്യൂരിറ്റി ഫണ്ട് 2033-ൽ തീരും എന്ന് റിപ്പോർട്ട് പറയുന്നു. എന്നാൽ വയോജന പങ്ക് പോലുള്ള ഉപഫണ്ടുകൾ ചേർത്താൽ ഇത് 2034-ലേക്കു നീങ്ങും. പഴയ കണക്കുകളിൽ ഇത് 2035 അല്ലെങ്കിൽ 2036-ലായിരിക്കും എന്നാണ് കരുതിയിരുന്നത്. മെഡിക്കെയറിന്റെ ആശുപത്രി ഇൻഷുറൻസ് ഫണ്ടും 2033-ൽ തന്നെ തീരും എന്നും റിപ്പോർട്ടിൽ പറയുന്നു.

"സോഷ്യൽ സെക്യൂരിറ്റിയും മെഡിക്കെയറും ലക്ഷക്കണക്കിന് അമേരിക്കൻ പൗരന്മാരെ ആശ്രയിക്കുന്ന പ്രധാന പദ്ധതികളാണ്," എന്നും "ഇവയുടെ ഭാവി ഉറപ്പാക്കാൻ നിയമനിർമ്മാതാക്കൾ അടിയന്തിരമായി ഇടപെടണം" എന്നും യു.എസ്. ട്രഷറി സെക്രട്ടറി സ്കോട്ട് ബെസെന്റ് പറഞ്ഞു.

അതേസമയം ഈ പ്രശ്നത്തിന് കോൺഗ്രസ്സിൽ പരിഹാരമില്ലാതെ പോവുകയാണെങ്കിൽ സംഭവിക്കാൻ പോകുന്ന കാര്യങ്ങൾ ഇവയാണ്

സോഷ്യൽ സിക്യൂരിറ്റി പെൻഷൻ 23% കുറയും.
മെഡിക്കെയർ ആശുപത്രി സേവനങ്ങൾ 11% കുറയും.
ഇത് 2033-ൽ തന്നെ സംഭവിക്കാമെന്നാണ് റിപ്പോർട്ട്

ഏകദേശം 66 ദശലക്ഷം ആളുകൾക്ക് ആണ് മെഡിക്കെയറിലൂടെ മെഡിക്കൽ കവർേജ് ലഭിക്കുന്നത്. ഇപ്പോൾ 70 ദശലക്ഷം പേർക്കാണ് ഈ വർഷം സോഷ്യൽ സെക്യൂരിറ്റി പെൻഷൻ ലഭിക്കാനിരിക്കുന്നത്. ഈ ഫണ്ടുകൾക്കുള്ള വരുമാനം തൊഴിലാളികളും സ്ഥാപനങ്ങളും നൽകുന്ന പേഡ്രോൾ നികുതിയിലൂടെയാണ് വരുന്നത്. ഡൊണാൾഡ് ട്രംപ് ഇത്തരത്തിലുള്ള പദ്ധതികളെ സംരക്ഷിക്കുമെന്ന് വാഗ്ദാനം ചെയ്തിരുന്നു. 2023-ലെ കണക്കുകൾ പ്രകാരം, മെഡിക്കെയറും മെഡിക്കെയ്ഡും ചേർന്ന് ഏകദേശം 1.9 ട്രില്ല്യൺ ഡോളറാണ് ചെലവായത്.