വാഷിംഗ്‌ടൺ : 2024-ൽ വിമാനയാത്രയ്ക്കിടെ ഡോർ പ്ലഗ് പൊട്ടിത്തെറിച്ചതിനെ തുടർന്ന് അലാസ്ക എയർലൈൻസിനെതിരെ 1 ബില്യൺ ഡോളറിന് കേസ് ഫയൽ ചെയ്ത മൂന്ന് യാത്രക്കാർ അടുത്തിടെ എയർലൈനുമായും ബോയിംഗുമായും ഒത്തുതീർപ്പിലെത്തി.

2024 ജനുവരി 5-ന് ഒറിഗോണിലെ പോർട്ട്‌ലാൻഡ് അന്താരാഷ്ട്ര വിമാനത്താവളത്തിൽ നിന്ന് കാലിഫോർണിയയിലെ ഒന്റാറിയോയിലേക്ക് പറക്കുന്നതിനിടെയാണ്  ബോയിംഗ് 737 മാക്സ് 9 ജെറ്റ് അടിയന്തര ലാൻഡിംഗ് നടത്തിയത്.

കഠിനമായ സമ്മർദ്ദം, ഉത്കണ്ഠ, ആഘാതം, കേൾവി പരിക്കുകൾ എന്നിവയുൾപ്പെടെയുള്ള വൈകാരികവും ശാരീരികവുമായ പരിക്കുകൾക്ക് നഷ്ടപരിഹാരം ആവശ്യപ്പെട്ട കേസ്,  തീർപ്പാക്കിയതായി ഫോക്സ് 12 ഒറിഗോൺ റിപ്പോർട്ട് ചെയ്തു.

174 യാത്രക്കാരിൽ ചിലർ ശബ്ദം കേട്ടതായി പരാതിപ്പെടുകയും ആറ് ക്രൂ അംഗങ്ങളെ വിവരം അറിയിക്കുകയും ചെയ്തതായി കോടതി രേഖകൾ പറയുന്നു. പൈലറ്റ് കോക്ക്പിറ്റ് ഉപകരണങ്ങൾ പരിശോധിച്ചതിന് ശേഷം മറ്റൊന്നും ചെയ്തില്ലെന്ന് കേസ് ആരോപിച്ചു, 

16,000 അടി ഉയരത്തിൽ എത്തിയ ശേഷം വിമാനം തിരികെ പോയി പോർട്ട്‌ലാൻഡിൽ സുരക്ഷിതമായി ലാൻഡ് ചെയ്യുകയായിരുന്നു.  സംഭവത്തിന് പിറ്റേദിവസം തന്നെ ഫെഡറൽ ഏവിയേഷൻ അഡ്മിനിസ്ട്രേഷൻ (എഫ്എഎ) കൂടുതൽ പരിശോധനകൾക്കായി ബോയിംഗ് 737 മാക്സ് 9 വിമാനങ്ങൾ സർവീസിൽ നിന്ന് പിൻവലിച്ചിരുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്