ഷിക്കാഗോ: ഒരു വയസ്സുള്ള മകൻ മുങ്ങിമരിച്ച സംഭവത്തിൽ 31 വയസ്സുകാരിയായ സൂറ അമോണിനെതിരെ കൊലപാതകക്കുറ്റം ചുമത്തിയതായി അധികൃതർ അറിയിച്ചു. മിഷിഗൺ തടാകത്തിൽ വെച്ചാണ് കുട്ടി മുങ്ങിമരിച്ചതെന്നാണ് റിപ്പോർട്ടുകൾ.

ഷിക്കാഗോ പോലീസ് ഡിപ്പാർട്ട്‌മെന്റ് തിങ്കളാഴ്ച പുറത്തിറക്കിയ പ്രസ്താവന പ്രകാരം, അമോണിനെതിരെ ഫസ്റ്റ് ഡിഗ്രി കൊലപാതകക്കുറ്റവും, മരണം സംഭവിക്കാൻ സാധ്യതയുള്ള കുറ്റകൃത്യവും ചുമത്തിയിട്ടുണ്ട്. വെള്ളിയാഴ്ച രാത്രി 9:45 ഓടെ സൗത്ത് ഷോർ ഡ്രൈവിന്റെ 7000ബ്ലോക്കിൽ നിന്ന് ലഭിച്ച വിവരത്തിന്റെ അടിസ്ഥാനത്തിൽ പോലീസ് സ്ഥലത്തെത്തുകയായിരുന്നു. വെള്ളത്തിൽ അമോണിനെ കണ്ടെത്തിയെന്നും, അവർ കുട്ടിയെ മുക്കിക്കൊല്ലാൻ ശ്രമിക്കുകയായിരുന്നുവെന്നും അധികൃതർ പറയുന്നു.

ഷിക്കാഗോ ഫയറിന്റെ മറൈൻ യൂണിറ്റ് കുട്ടിയെ രക്ഷപ്പെടുത്തി കോമർ ചിൽഡ്രൻസ് ഹോസ്പിറ്റലിലേക്ക് കൊണ്ടുപോയെങ്കിലും അവിടെ വെച്ച് കുട്ടി മരിച്ചതായി റിപ്പോർട്ടുണ്ട്. മരിക്കാൻ ആഗ്രഹിക്കുന്നുവെന്ന് അമോൺ പോലീസിനോട് പറഞ്ഞതായി കോടതി രേഖകളെ ഉദ്ധരിച്ച് മാധ്യമങ്ങൾ റിപ്പോർട്ട് ചെയ്തു.

സംഭവത്തിന് മൂന്ന് മണിക്കൂർ മുമ്പ്, അമോണിന്റെ സഹോദരി ക്ലോഡിയ അമോൺ മാനസികാരോഗ്യ സഹായത്തിനായി പോലീസിനെ വിളിച്ചിരുന്നതായി വെളിപ്പെടുത്തി. എന്നാൽ, സഹോദരി അക്രമാസക്തയാകാത്തതുകൊണ്ട് തങ്ങൾക്ക് ഒന്നും ചെയ്യാൻ കഴിയില്ലെന്ന് പോലീസ് പറഞ്ഞതായും ക്ലോഡിയ മാധ്യമങ്ങളോട് പറഞ്ഞു. ചൊവ്വാഴ്ച അമോണിനെ കോടതിയിൽ ഹാജരാക്കും.

പി.പി. ചെറിയാൻ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്