പുതിയ നേതൃത്വവും പുത്തൻ സ്വപ്നങ്ങളും; എച്ച്.എഫ്.എച്ച് അലുംനി അസോസിയേഷൻ എക്‌സിക്യൂട്ടീവ് ടീം സ്ഥാനമേറ്റു

MAY 16, 2026, 9:22 AM

ജമൈക്കയിൽ നടന്ന ഹോളി ഫാമിലി ഹോസ്പിറ്റൽ (HFH) 'അലുംനി റീയൂണിയൻ 2026' അലുംനി അസോസിയേഷന്റെ ഭാവി രൂപപ്പെടുത്തുന്ന നിർണായക ഘട്ടം കൂടിയായിരുന്നു. സൗഹൃദത്തിന്റെയും ഓർമ്മകളുടെയും ആഘോഷങ്ങൾക്കിടെ മൂന്നാം ദിവസം നടന്ന ജനറൽ ബോഡി യോഗത്തിൽ പുതിയ എക്‌സിക്യൂട്ടീവ് ടീമിനെ തിരഞ്ഞെടുത്തു. യോഗത്തിൽ വിവിധ റിപ്പോർട്ടുകളും ഭാവി പദ്ധതികളും അവതരിപ്പിച്ചു.

പ്രസിഡൻഷ്യൽ അഡ്രസ് ആഗ്‌നസ് മാത്യു, ഷേർലി നെല്ലിമറ്റം സെക്രട്ടറി റിപ്പോർട്ട്, ട്രഷറർ റിപ്പോർട്ട് ജോയി തട്ടാർകുന്നേൽ, നന്ദിതോമസ് തറയിൽ എന്നിവരായിരുന്നു. 1983-1986 ബാച്ചിലെ ഡെയ്‌സി ബേബി ആയിരുന്നു പരിപാടിയുടെ അവതാരക.

പ്രസിഡന്റ് ഷേർലി നെല്ലിമറ്റം (ഷിക്കാഗോ), വൈസ് പ്രസിഡന്റ് മേഴ്‌സി ബേബി (ന്യൂയോർക്ക്), സെക്രട്ടറി ബ്രിജിറ്റ് മാത്യു (ഹൂസ്റ്റൺ), ജോയിന്റ് സെക്രട്ടറി ലീല ജയചന്ദ്രൻ (ഹൂസ്റ്റൺ), ട്രഷറർ ജോയി വർക്കി (ഫ്‌ളോറിഡ), റീയൂണിയൻ ചെയർമാൻ ഷാജി ചെറിയാൻ (എഡ്മണ്ട്, കാനഡ) എന്നിവരെ പുതിയ എക്‌സിക്യൂട്ടീവ് ഭാരവാഹികളായി തിരഞ്ഞെടുത്തു.

ആഗോള അലുംനി ബന്ധം ശക്തിപ്പെടുത്തുക, വിവിധ രാജ്യങ്ങളിലുള്ള അലുംനികളെ കൂടുതൽ സജീവമായി ബന്ധിപ്പിക്കുന്ന പദ്ധതികൾ ആരംഭിക്കുക, ഭാവിയിലെ റീയൂണിയനുകൾ കൂടുതൽ ശക്തമാക്കുക, ജമൈക്ക റീയൂണിയന്റെ വിജയത്തെ തുടർന്നു കൂടുതൽ വിജയകരമായ സംഗമങ്ങൾ സംഘടിപ്പിക്കുക, എച്ച്.എഫ്.എച്ച് പാരമ്പര്യം സംരക്ഷിക്കുക, ഹോളി ഫാമിലി ആശുപത്രിയുടെ ചരിത്രവും മൂല്യങ്ങളും പുതിയ തലമുറയിലേക്ക് കൈമാറുക, യുവ അലുംനികളുടെ പങ്കാളിത്തം വർധിപ്പിക്കുക, പുതിയ തലമുറയെ സംഘടനയുടെ പ്രവർത്തനങ്ങളിൽ കൂടുതൽ ഉൾപ്പെടുത്തുക, സാമൂഹിക സേവന പദ്ധതികളിലും സഹായ പ്രവർത്തനങ്ങളിലും കൂടുതൽ സജീവമായി ഇടപെടുക തുടങ്ങിയവയാണ് പുതിയ നേതൃത്വം മുന്നോട്ടുവെച്ച പ്രധാന ലക്ഷ്യങ്ങൾ.

പുതിയ നേതൃത്വത്തിന്റെ തിരഞ്ഞെടുപ്പ് എച്ച്.എഫ്.എച്ച് അലുംനി കൂട്ടായ്മയ്ക്ക് പുതിയ പ്രതീക്ഷയും ഊർജവും നൽകി. ലോകത്തിന്റെ വിവിധ ഭാഗങ്ങളിൽ നിന്നുള്ള അംഗങ്ങളെ ഉൾക്കൊള്ളുന്ന ഈ ടീം എച്ച്.എഫ്.എച്ച് അലുംനി കൂട്ടായ്മയുടെ അന്താരാഷ്ട്ര ഒരുമയെ പ്രതിഫലിപ്പിക്കുന്നു. ജമൈക്ക റീയൂണിയൻ അവസാനിക്കുമ്പോൾ എല്ലാവരുടെയും മനസ്സിൽ നിറഞ്ഞിരുന്നത് സന്തോഷവും വീണ്ടും കണ്ടുമുട്ടാമെന്നുള്ള പ്രതീക്ഷയുമായിരുന്നു.