ഫിലഡൽഫിയാ: മലയാളീ അസോസിയേഷൻ ഓഫ് ഗ്രെയ്റ്റർ ഫിലഡൽഫിയായുടെ (മാപ്പ്) പിക്ക്‌നിക്കും, ചാരിറ്റി റാഫിൾ ടിക്കറ്റ് നറുക്കെടുപ്പും ഓഗസ്റ്റ് 16ന് ശനിയാഴ്ച രാവിലെ ഒൻപത് മുതൽ വൈകിട്ട് നാല് വരെ സെക്കന്റ് സ്ട്രീറ്റ് പൈക്കിലുള്ള റ്റാമനെന്റ് പാർക്കിൽ വച്ച് നടത്തപ്പെടുന്നു. (Tamanend Park, 1255 Second Street Pike, Southampton, PA18966).

കുട്ടികൾക്കും, സ്ത്രീ പുരുഷ ഭേദമന്യേ എല്ലാ പ്രായത്തിലുള്ളവർക്കും ഒരുപോലെ ആസ്വാദ്യമായ രീതിയിൽ പങ്കെടുക്കാവുന്ന തരത്തിൽ കായിക വിനോദങ്ങളും, നിരവധി മത്സരങ്ങളും, വിജയികൾക്ക് സമ്മാനങ്ങളും സംഘാടകർ ഏർപ്പെടുത്തിയിട്ടുണ്ട്.  എല്ലാവരേയും ഹരംകൊള്ളിക്കുന്ന അവസാനത്തെ ഇനമായ വാശിയേറിയ വടംവലി മത്സരം പിക്‌നിക്കിന്റെ പ്രധാന ഇനമാണ്.

തിരക്കേറിയ പ്രവാസ ജീവിതത്തിനിടയിലും പിറന്ന നാടിനെയും കൂടപ്പിറപ്പുകളുടെയും ആവശ്യങ്ങളറിഞ്ഞു സഹായിക്കുന്ന  ജീവകാരുണ്യ പ്രവർത്തനങ്ങളിൽ ഏറ്റവും മുന്നിട്ടു നിൽക്കുന്ന മാപ്പിന്റെ ചാരിറ്റി പ്രവർത്തനങ്ങളുടെ മുഖ്യ വരുമാന സ്രോതസ്സായ ചാരിറ്റി റാഫിൾ ടിക്കറ്റ് ഇതുവരെയും വാങ്ങിയിട്ടില്ലാത്തവർക്ക് പിക്ക്‌നിക്ക് ദിവസം അതിനുള്ള അവസരമുണ്ടായിരിക്കുമെന്ന് ചാരിറ്റി ചെയർമാൻ ലിബിൻ പുന്നശ്ശേരിൽ അറിയിച്ചു.

രുചിയേറിയ ബർഗറും, ബാർബിക്യൂവും, ഓംലെറ്റും,  മറ്റ് വിവിധതരം നാടൻ ഭക്ഷണങ്ങളും  ശീതള പാനീയങ്ങളും, ഐസ്‌ക്രീമുമൊക്കെയായി തീൻമേശയെ വിഭവസമൃദ്ധമാക്കുന്ന  മാപ്പിന്റെ  ഒത്തുചേരലിൽ കുടുംബമായി പങ്കുചേരാൻ, 2025ലെ പിക്‌നിക്ക് അവിസ്മരണീയമാക്കുവാൻ ഏവരെയും ഹാർദ്ദവമായി സ്വാഗതം ചെയ്യുന്നതായി ബെൻസൺ വർഗീസ് പണിക്കർ, കൊച്ചുമോൻ വയലത്ത്, ലിജോ പി. ജോർജ്, എൽദോ വർഗീസ്, ജോസഫ് കുരുവിള (സാജൻ), ജെയിംസ് പീറ്റർ, ജോൺസൻ മാത്യു, ലിബിൻ പുന്നശ്ശേരിൽ എന്നിവർ അറിയിച്ചു.

റോജീഷ് സാം സാമുവൽ, മാപ്പ് പി.ആർ.ഒ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്