വാഷിംഗ്ടൺ : പ്രസിഡന്റ് ഡൊണാൾഡ് ട്രംപിന്റെയും എലോൺ മസ്‌കിന്റെയും നയങ്ങൾക്കും നടപടികൾക്കുമെതിരെ തെരുവിലിറങ്ങി പ്രതിഷേധിച്ച് പതിനായിരക്കണക്കിനുപേർ. ട്രംപ് ഭരണകൂടത്തിന്റെ വിവാദപരമായ നയങ്ങൾക്കെതിരെ ശനിയാഴ്ചയാണ് അമേരിക്കയിലുടനീളം പതിനായിരക്കണക്കിന് പ്രതിഷേധക്കാർ തെരുവിലിറങ്ങിയത്.

ട്രംപ് ഭരണകൂടത്തിന്റെ നയങ്ങളിൽ, പ്രത്യേകിച്ച് ഫെഡറൽ പിരിച്ചുവിടലുകൾ, കൂട്ട നാടുകടത്തലുകൾ, മറ്റ് വിവാദ നടപടികൾ എന്നിവയിൽ അതൃപ്തി പ്രകടിപ്പിക്കുന്നതിനായി സംഘടിപ്പിച്ച പ്രകടനങ്ങളുടെ ഒരു പരമ്പരയാണ് ഹാൻഡ്‌സ് ഓഫ് എന്ന പേരിൽ നടത്തുന്ന പ്രതിഷേധങ്ങൾ.

50 സംസ്ഥാനങ്ങളിലായി 1,200ലധികം സ്ഥലങ്ങളിൽ പ്രതിഷേധം സംഘടിപ്പിച്ചു. പൗരാവകാശ സംഘടനകൾ, തൊഴിലാളി യൂണിയനുകൾ, LGBTQ+ അഭിഭാഷകർ, വെറ്ററൻമാർ, തിരഞ്ഞെടുപ്പ് പ്രവർത്തകർ എന്നിവരുൾപ്പെടെ 150ലധികം ഗ്രൂപ്പുകൾ റാലികളിൽ അണിനിരന്നു.

ട്രംപും ഉപദേശകൻ ഇലോൺ മസ്‌കും തങ്ങളുടേതല്ലാത്ത വിഭവങ്ങൾ എടുക്കുന്നുണ്ടെന്നും അവ തടയാൻ അവർ ലോകത്തെ വെല്ലുവിളിക്കുകയാണെന്നും പ്രതിഷേധക്കാർ ആവർത്തിക്കുന്നു.

പി.പി. ചെറിയാൻ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്