ഡിട്രോയിറ്റ്: ഹൂസ്റ്റൺ ആസ്ഥാനമായി പ്രവർത്തിച്ചുവരുന്ന ഇന്റർനാഷണൽ പ്രയർ ലൈൻ 547-ാം സെഷൻ നവംബർ 5  ചൊവാഴ്ച വൈകീട്ട്  ഓൺലൈൻ പ്ലാറ്റുഫോമിൽ സംഘടിപ്പിച്ച യോഗം 95-ാം വയസ്സിൽ വാർദ്ധക്യസഹജമായ ആരോഗ്യപ്രശ്‌നങ്ങളുമായി നീണ്ട പോരാട്ടത്തെ തുടർന്ന് കാലം ചെയ്ത മോർ ബസേലിയോസ് തോമസ് പ്രഥമൻ ബാവയുടെ സ്മരണക്കു മുമ്പിൽ ആദരാഞ്ജലികൾ അർപ്പിച്ചു. ഇതിനെ തുടർന്നു ഐപിഎൽ കോർഡിനേറ്റർ സി.വി. സാമുവൽ(ഡിട്രോയിറ്റ്) അനുശോചന സന്ദേശം വായിച്ചു.

1929 ജൂലൈ 22 ന് ചെറുവില്ലിൽ മത്തായിയുടെയും കുഞ്ഞമ്മയുടെയും മകനായി 'കുഞ്ഞുഞ്ഞ്' എന്ന് വിളിക്കപ്പെടുന്ന ചെറുവില്ലിൽ മത്തായി തോമസ് ജനിച്ചത്. സാമ്പത്തിക ഞെരുക്കം മൂലം നാലാം ക്ലാസിനു ശേഷം സ്‌കൂൾ വിട്ട് തപാൽ വകുപ്പിൽ മെയിൽ റണ്ണറായി ജോലി തുടങ്ങി. ഞാറത്തുങ്കൽ കോരുത് മൽപ്പാൻ, മൂസ ശലോമ റമ്പാൻ, കടവിൽ പോൾ റമ്പാൻ തുടങ്ങിയ വ്യക്തികളുടെ കീഴിൽ തോമസ് ആത്മീയ പരിശീലനം നേടി.

1952ൽ, തോമസ് ലക്ടറായി നിയമിതനായി, 1957ൽ മോർ ഫിലക്‌സെനോസ് പൗലോസിന്റെ കീഴിൽ ഡീക്കനും 1958ൽ മോർ ജൂലിയസ് ഏലിയാസ് കോറോയുടെ കീഴിൽ വൈദികനും ആയി.  പ്രതിഭാധനനായ വാഗ്മിയും ബൈബിൾ പണ്ഡിതനുമായി അറിയപ്പെടുന്ന തോമസിന്റെ സ്വാധീനം ആത്മീയവും സാമൂഹികവും വൈദ്യശാസ്ത്രപരവുമായ മേഖലകളിലുടനീളം വ്യാപിച്ചു.

1973ൽ അങ്കമാലി ഭദ്രാസന ചർച്ച് അസോസിയേഷൻ തോമസിനെ മെത്രാപ്പോലീത്തയായി തിരഞ്ഞെടുത്തു. 1974ൽ പെരുമ്പള്ളിയിൽ മോർ ഡയോനിഷ്യസ് തോമസായി അഭിഷേകം ചെയ്യപ്പെട്ടു. 2000ൽ മലങ്കര സുന്നഹദോസ് അധ്യക്ഷനായ മോർ ദിവന്നാസിയോസ് 2002ൽ മലങ്കര യാക്കോബായ സുറിയാനി സഭയ്ക്ക് പുതിയ ഭരണഘടന സ്ഥാപിക്കുന്നതിനായി ഒരു അസോസിയേഷൻ യോഗം സംഘടിപ്പിക്കുന്നതിൽ നിർണായക പങ്കുവഹിച്ചു.

2002ൽ, മോർ ബസേലിയോസ് തോമസ് പ്രഥമൻ എന്ന പേര് സ്വീകരിച്ച്, മോർ ഡയോനിഷ്യസ് തോമസ് കാതോലിക്കാ ബാവയായി സിംഹാസനസ്ഥനായി. 2014ൽ മോർ ഇഗ്‌നാത്തിയോസ് അഫ്രേം രണ്ടാമൻ അന്ത്യോഖ്യാ പാത്രിയാർക്കീസായി സ്ഥാനാരോഹണം ചെയ്യുന്നതിനും അദ്ദേഹം നേതൃത്വം നൽകി.

എക്യുമെനിക്കൽ ഡയലോഗിലെ പ്രമുഖനായ മോർ ബസേലിയോസ് തോമസ് പ്രഥമൻ റോമൻ ത്തോലിക്കാ സഭയുമായും മാർത്തോമ്മാ സുറിയാനി സഭയുമായും ചർച്ചകൾ നടത്തി, ജോസഫ് മാർത്തോമ്മാ, കർദ്ദിനാൾ ബസേലിയോസ് ക്ലീമിസ്, കർദ്ദിനാൾ ജോർജ് ആലഞ്ചേരി തുടങ്ങിയ വ്യക്തികളുമായി സൗഹൃദം നിലനിർത്തി.

2019ൽ, മലങ്കര മെത്രാപ്പോലീത്ത എന്ന നിലയിലുള്ള തന്റെ ഭരണപരമായ റോളിൽ നിന്ന് അദ്ദേഹം പടിയിറങ്ങി, എന്നാൽ പാത്രിയാർക്കീസ് ഇഗ്‌നാത്തിയോസ് അഫ്രേം രണ്ടാമന്റെ അഭ്യർത്ഥനപ്രകാരം കാതോലിക്കായായി തുടർന്നു, മോർ ഗ്രിഗോറിയോസ് ജോസഫ് അദ്ദേഹത്തിന്റെ പിൻഗാമിയായി മലങ്കര മെത്രാപ്പോലീത്തയായി.

മോർ ബസേലിയോസ് തോമസ് പ്രഥമൻ ബാവ ഇന്റർനാഷണൽ പ്രയർ ലൈൻ പ്രവർത്തങ്ങളുമായി സഹകരിക്കുകയും ആവശ്യമായ ഭൗതീക ആത്മീക പിന്തുണ നൽകുകയും ചെയ്തിരുന്നതായി സി.വി. സാമുവൽ(ഡിട്രോയിറ്റ്) അനുസ്മരിച്ചു. ബാവയുടെ വിയോഗത്തിൽ വേദനിക്കുന്ന യാക്കോബായ സഭാ വിശ്വാസികളുടെയും കുടുംബാംഗളുടെയും ദുഃഖത്തിൽ പങ്കു ചേരുന്നതായും അനുശോചനം അറിയിക്കുകയും ചെയ്തു.

തുടർന്ന് സാറാമ്മ സാമുവൽ, ന്യൂയോർക് പ്രാരംഭ പ്രാർത്ഥന നടത്തി. സി.വി. സാമുവൽ (ഡിട്രോയിറ്റ്) സ്വാഗതം ആശംസിച്ചു. ബഥനി മാർത്തോമ്മാ ചർച്ച്, ന്യൂയോർക് വികാരി റവ. ജോബിൻ ജോൺ മുഖ്യ സന്ദേശം നൽകി.

ഡോ. ജോർജ് വർഗീസ് (മോനി), ഡബ്ല്യുഡിസി, മധ്യസ്ഥ പ്രാർത്ഥനക്കു നേതൃത്വം നൽകി. രാജു ചിറമണ്ണേൽ, ന്യൂയോർക്ക് നിശ്ചയിക്കപ്പെട്ട പാഠഭാഗം വായിച്ചു. ടി.എ. മാത്യു, ഹൂസ്റ്റൺ,  നന്ദി പറഞ്ഞു. സമാപന പ്രാർത്ഥനക്കും ആശീർവാദത്തിനും ശേഷം യോഗം സമാപിച്ചു. ഷിജു ജോർജ്ജ് സാങ്കേതിക പിന്തുണ നൽകി.

പി പി ചെറിയാൻ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്