വാഷിങ്ടണ്: ഇന്ത്യയും അമേരിക്കയും തമ്മിലുള്ള ചരിത്രപരമായ വ്യാപാര കരാര് ഉടന് യാഥാര്ത്ഥ്യമാകും. കരാറിന്റെ 99 ശതമാനം ചര്ച്ചകളും പൂര്ത്തിയായതായും ഇനി വെറും ഒരു ശതമാനം സാങ്കേതിക വശങ്ങളില് മാത്രമാണ് ധാരണയാകാനുള്ളതെന്നും ഇന്ത്യയിലെ യു.എസ് അംബാസഡര് സെര്ജിയോ ഗോര് വ്യക്തമാക്കി. വാഷിങ്ടണില് നടന്ന യു.എസ്-ഇന്ത്യ സ്ട്രാറ്റെജിക് പാര്ട്ണര്ഷിപ്പ് ഫോറം ലീഡര്ഷിപ്പ് സമ്മിറ്റില് സംസാരിക്കുകയായിരുന്നു അദ്ദേഹം.
ഇരുരാജ്യങ്ങള്ക്കും പരമാവധി ഗുണം ചെയ്യുന്ന രീതിയിലാണ് ഈ കരാര് വിഭാവനം ചെയ്തിരിക്കുന്നത്. കഴിഞ്ഞ 18 മാസമായി തുടരുന്ന ചര്ച്ചകള് ഏതാനും ആഴ്ചകള്ക്കുള്ളില് ശുഭകരമായി അവസാനിക്കുമെന്നാണ് പ്രതീക്ഷയെന്ന് അംബാസഡര് പറഞ്ഞു. പ്രധാനമന്ത്രി നരേന്ദ്ര മോദിയും യു.എസ് പ്രസിഡന്റ് ഡൊണാള്ഡ് ട്രംപും തമ്മിലുള്ള വ്യക്തിപരമായ സൗഹൃദമാണ് ഈ വേഗതയേറിയ നയതന്ത്ര മുന്നേറ്റത്തിന് പിന്നിലെന്ന് സെര്ജിയോ ഗോര് ഓര്മ്മിപ്പിച്ചു. ഇരുരാജ്യങ്ങളുടെയും താല്പര്യങ്ങള് സംരക്ഷിച്ചുകൊണ്ട് വളരെ വേഗത്തിലാണ് കരാര് അന്തിമ ഘട്ടത്തിലേക്ക് എത്തിയത്.
സുപ്രധാനമായ ക്വാഡ് സഖ്യത്തിലെ വിദേശകാര്യ മന്ത്രിമാരുടെ യോഗം രണ്ടാഴ്ചയ്ക്കുള്ളില് ഫിലിപ്പീന്സില് നടക്കുമെന്ന വിവരവും അദ്ദേഹം പങ്കുവെച്ചു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20201011120857.jpg)
-20260609114809.jpg)
