ഷിക്കാഗോ: യാക്കോബായ സുറിയാനി സഭയുടെ ശ്രേഷ്ഠ കാതോലിക്ക ബാവ അബൂൻ മോർ ബസേലിയോസ് ജോസഫ് ബാവയുടെ നോർത്ത് അമേരിക്കൻ പര്യടനത്തിന്റെ ഭാഗമായി ഷിക്കാഗോയിൽ ഗംഭീര സ്വീകരണം നൽകുന്നു. ഓഗസ്റ്റ് 2 ഞായറാഴ്ച ഷിക്കാഗോ നോർത്ത് ലേക്കിലുള്ള സെന്റ് പീറ്റേഴ്സ് യാക്കോബായ സുറിയാനി പള്ളിയിലാണ് (St. Peter's Jacobite Syrian Orthodox Church) സ്വീകരണ ചടങ്ങുകൾ ക്രമീകരിച്ചിരിക്കുന്നത്.
വിശുദ്ധ കുർബാനയും വരവേൽപ്പും:
ഞായറാഴ്ച രാവിലെ 8:30ന് സെന്റ് പീറ്റേഴ്സ് പള്ളിയിലെത്തുന്ന ശ്രേഷ്ഠ ബാവയ്ക്ക് ഷിക്കാഗോയിലെ വിവിധ ഇടവകകളിൽ നിന്നുള്ള വിശ്വാസികൾ ചേർന്ന് വരവേൽപ്പ് നൽകും. പ്രഭാത പ്രാർത്ഥനയ്ക്ക് ശേഷം ശ്രേഷ്ഠ ബാവയുടെ പ്രധാന കാർമ്മികത്വത്തിൽ വിശുദ്ധ കുർബാന അർപ്പിക്കപ്പെടും.
സ്വീകരണ സമ്മേളനം:
വിശുദ്ധ കുർബാനയ്ക്ക് ശേഷം ശ്രേഷ്ഠ ബാവയെ ആദരിക്കുന്നതിനായി പ്രത്യേക സ്വീകരണ സമ്മേളനം നടക്കും. സെന്റ് പീറ്റേഴ്സ് യാക്കോബായ പള്ളി വികാരി വെരി റവ. തേലപ്പിള്ളിൽ സക്കറിയ കോറെപ്പിസ്കോപ്പ സമ്മേളനത്തിൽ അധ്യക്ഷത വഹിക്കും.
പ്രസംഗകരും പങ്കാളിത്തവും:.
സെന്റ് ജോർജ് യാക്കോബായ പള്ളി വികാരിമാരായ വെരി റവ. മാത്യു കരിത്തലക്കൽ കോറെപ്പിസ്കോപ്പ, റവ. ഫാ. ലിജു പോൾ, സെന്റ് മാർക്സ് ക്നാനായ യാക്കോബായ പള്ളി വികാരി റവ. ഫാ. തോമസ് മേപ്പുറത്ത് എന്നിവർ ആശംസകൾ നേർന്ന് സംസാരിക്കും.
ഷിക്കാഗോ സെന്റ് ജോർജ് യാക്കോബായ സുറിയാനി പള്ളി, സെന്റ് മാർക്സ് ക്നാനായ യാക്കോബായ സുറിയാനി പള്ളി എന്നീ ഇടവകകളിൽ നിന്നുള്ള വൈദികരും നൂറുകണക്കിന് വിശ്വാസികളും ചടങ്ങുകളിൽ പങ്കാളികളാകും.
ഈ ചരിത്രമുഹൂർത്തത്തിന് സാക്ഷ്യം വഹിക്കാനും ശ്രേഷ്ഠ ബാവയുടെ അനുഗ്രഹം പ്രാപിക്കാനുമായി എല്ലാ വിശ്വാസികളെയും സ്നേഹപൂർവ്വം ക്ഷണിക്കുന്നതായി ഇടവക ഭാരവാഹികളായ ജോജി കുര്യാക്കോസ് (വൈസ ്പ്രസിഡന്റ്), ജോജോയ് വർഗീസ് (സെക്രട്ടറി), ജോർജ് തോമസ് (ട്രഷറർ) എന്നിവർ അറിയിച്ചു
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20201011060831.jpg)
-20260324021426.webp)
-20260723112720.jpg)
-20260723111510.jpg)
-20260723104207.jpg)
