ഡെൻവർ: കൊളറാഡോയിൽ നിന്നുള്ള മുൻ സെനറ്ററും അമേരിക്കൻ രാഷ്ട്രീയത്തിലെ ശ്രദ്ധേയനായ തദ്ദേശീയ ഇന്ത്യൻ നേതാവുമായ ബെൻ നൈറ്റ്ഹോഴ്സ് കാംബെൽ (92) അന്തരിച്ചു. വാർദ്ധക്യസഹജമായ കാരണങ്ങളാൽ ചൊവ്വാഴ്ച കുടുംബാംഗങ്ങളുടെ സാന്നിധ്യത്തിലായിരുന്നു അന്ത്യം.
പോണിടെയിൽ കെട്ടിവെച്ച മുടിയും കൗബോയ് ബൂട്ട്സും ധരിച്ച് വേറിട്ട ശൈലിയിൽ കോൺഗ്രസിലെത്തിയിരുന്ന അദ്ദേഹം ഒരു രാഷ്ട്രീയക്കാരൻ എന്നതിലുപരി മികച്ച ആഭരണ നിർമ്മാതാവും കന്നുകാലി കർഷകനും മോട്ടോർ സൈക്കിൾ യാത്രികനുമായിരുന്നു.
ഡെമോക്രാറ്റിക് പാർട്ടിയിലൂടെ രാഷ്ട്രീയ ജീവിതം ആരംഭിച്ച അദ്ദേഹം പിന്നീട് തന്റെ നയങ്ങളിലെ വിയോജിപ്പ് കാരണം റിപ്പബ്ലിക്കൻ പാർട്ടിയിലേക്ക് മാറി. സാമ്പത്തിക കാര്യങ്ങളിൽ യാഥാസ്ഥിതിക നിലപാടുംസാമൂഹിക വിഷയങ്ങളിൽ ലിബറൽ നയങ്ങളുമായിരുന്നു അദ്ദേഹത്തിന്റേത്.
മൂന്ന് തവണ യുഎസ് പ്രതിനിധി സഭാംഗമായും 1993 മുതൽ 2005 വരെ രണ്ട് തവണ സെനറ്ററായും അദ്ദേഹം സേവനമനുഷ്ഠിച്ചു. നോർത്തേൺ ഷെയാൻ (Northern Cheyenne) ഗോത്രവർഗ്ഗക്കാരനായ അദ്ദേഹം ആദിവാസി വിഭാഗങ്ങളുടെ അവകാശങ്ങൾക്കായി സെനറ്റിൽ സജീവമായി ശബ്ദമുയർത്തി.
കൊളറാഡോയിലെ 'ഗ്രേറ്റ് സാൻഡ് ഡ്യൂൺസ്' സ്മാരകത്തെ ദേശീയ പാർക്കായി ഉയർത്തുന്നതിൽ പ്രധാന പങ്കുവഹിച്ചു. 1964ലെ ഒളിമ്പിക്സിൽ യുഎസ് ജൂഡോ ടീമിന്റെ ക്യാപ്ടനായിരുന്നു. പാൻ അമേരിക്കൻ ഗെയിംസിൽ സ്വർണ്ണ മെഡൽ ജേതാവുമായിരുന്നു.
കുട്ടിക്കാലത്ത് അനാഥാലയത്തിൽ വളരേണ്ടി വന്ന അദ്ദേഹം തന്റെ ജീവിതാനുഭവങ്ങളിൽ നിന്നാണ് തൊഴിലാളികൾക്കും ദരിദ്രർക്കും വേണ്ടിയുള്ള നിലപാടുകൾ രൂപപ്പെടുത്തിയത്.
വാഷിംഗ്ടണിലെ സ്മിത്സോണിയൻ നാഷണൽ മ്യൂസിയത്തിൽ അദ്ദേഹം നിർമ്മിച്ച ആഭരണങ്ങൾ പ്രദർശിപ്പിച്ചിട്ടുണ്ട്. കാംബെല്ലിന്റെ നിര്യാണത്തിൽ കൊളറാഡോയിലെ രാഷ്ട്രീയ സാംസ്കാരിക നേതാക്കൾ അനുശോചനം രേഖപ്പെടുത്തി.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260317044144.jpg)
-20260302012446.jpeg)
-20260302012445.jpeg)
-20260228044016.jpeg)
1-20260316024652.jpg)
-20260228043934.jpeg)
