ഫോമ, വി.എസ്. അനുസ്മരണം നടത്തുന്നു: സൂമിലൂടെ വ്യാഴാഴ്ച രാത്രി 10 ന്

JULY 23, 2025, 8:18 PM

ന്യൂയോർക്ക്: കഴിഞ്ഞ ദിവസം വിടപറഞ്ഞ, വിപ്ലവ സൂര്യൻ, മുതിർന്ന കമ്മ്യൂണിസ്റ്റ് നേതാവും, കേരളത്തിന്റെ മുൻ മുഖ്യമന്ത്രിയുമായ സഖാവ് വി.എസ്. അച്യുതാനന്ദനോടു അമേരിക്കൻ മലയാളികൾക്കുള്ള ആദരവ് പ്രകടിപ്പിക്കുന്നതിനുവേണ്ടി, ഫെഡറേഷൻ ഓഫ് മലയാളി അസോസിയേഷൻസ് ഓഫ് അമേരിക്കാസ് (ഫോമാ) അനുസ്മരണ യോഗം സംഘടിപ്പിക്കുന്നു.

ജൂലൈ 24-ാം തീയതി വ്യാഴാഴ്ച രാത്രി 10 മണിക്ക് (EST) സൂമിലൂടെ നടത്തുന്ന ഈ യോഗത്തിലേക്ക് എല്ലാ മലയാളികളേയും സ്വാഗതം ചെയ്യുന്നു. ഫോമ പ്രസിഡന്റ് ബേബി മണക്കുന്നേൽ അധ്യക്ഷത വഹിക്കുന്ന യോഗത്തിൽ കേരളത്തിൽ നിന്നും മന്ത്രിമാരും, എം.എൽ.എ മ്മാരും ഉൾപ്പെടെ വിവിധ രാഷ്ട്രീയ നേതാക്കളും പങ്കെടുക്കുന്നതാണ്.

പാവപ്പെട്ടവരുടെയും പാർശ്വവത്കരിക്കപ്പെട്ടവരുടെയും പോരാളിയായിരുന്ന വി.എസിനോടുള്ള ആദരവ് പ്രകടിപ്പിക്കാൻ ഏവരെയും ഈ സൂം മീറ്റിങ്ങിലേക്കു സ്വാഗതം ചെയ്യുന്നതായി ഫോമ പ്രസിഡന്റ് ബേബി മണക്കുന്നേൽ, ജനറൽ സെക്രട്ടറി ബൈജു വർഗീസ്, ട്രഷറർ സിജിൽ പാലക്കലോടി, വൈസ് പ്രസിഡന്റ് ഷാലൂ പുന്നൂസ്, ജോയിന്റ് സെക്രട്ടറി പോൾ ജോസ്, ജോയിന്റ് ട്രഷറർ അനുപമ കൃഷ്ണൻ എന്നിവർ അറിയിച്ചു.