ചൊവ്വാഴ്ച രാത്രി ബോസ്റ്റണിൽ ടേക്ക്ഓഫിന് തയ്യാറെടുക്കുന്നതിനിടെ വിമാനത്തിൻ്റെ വാതിൽ തുറക്കാൻ ശ്രമിച്ചതിന് ജെറ്റ് ബ്ലൂ യാത്രക്കാരനെ അറസ്റ്റ് ചെയ്യുകയും ക്രിമിനൽ കുറ്റം ചുമത്തുകയും ചെയ്തതായി റിപ്പോർട്ട്. മസാച്യുസെറ്റ്സ് പോർട്ട് അതോറിറ്റി വക്താവ് ആണ് ഇക്കാര്യം അറിയിച്ചു.

ജെറ്റ് ബ്ലൂ ഫ്ലൈറ്റ് 161 ബോസ്റ്റൺ ലോഗൻ ഇൻ്റർനാഷണൽ എയർപോർട്ടിൽ പ്യൂർട്ടോ റിക്കോയിലെ സാൻ ജുവാൻ എന്ന സ്ഥലത്തേക്ക് പോകുകയായിരുന്നെന്ന് എയർലൈൻ വക്താവ് സ്ഥിരീകരിച്ചു.

ഉദ്യോഗസ്ഥർ പറയുന്നതനുസരിച്ച്, വിമാനം പുറപ്പെടുന്നതിനിടെ ഒരു പുരുഷ യാത്രക്കാരൻ ഓവർവിംഗ് എക്സിറ്റ് വാതിൽ തുറക്കാൻ ശ്രമിച്ചു എന്ന് വക്താവ് ബുധനാഴ്ച രാവിലെ വ്യക്തമാക്കി. ഈ നീക്കം അടിയന്തര സ്ലൈഡ് വിന്യസിക്കാൻ കാരണമായി എന്നും ഉദ്യോഗസ്ഥർ പറഞ്ഞു.

തുടർന്ന് മസാച്യുസെറ്റ്സ് സ്റ്റേറ്റ് പോലീസിനെ സംഭവസ്ഥലത്തേക്ക് വിളിക്കുകയും യാത്രക്കാരെ മറ്റൊരു വിമാനത്തിലേക്ക് മാറ്റുകയും ചെയ്തതായി വക്താവ് പറഞ്ഞു. ഇതുവരെ പരിക്കുകളൊന്നും റിപ്പോർട്ട് ചെയ്തിട്ടില്ല.

അതേസമയം സംഭവം ഏകദേശം മുക്കാൽ മണിക്കൂറോളം വിമാനം വൈകാൻ കാരണമായി. ഏകദേശം 6:50 ഓടെയാണ് വിമാനം പുറപ്പെടേണ്ടിയിരുന്നത്. എന്നാൽ സൈറ്റ് അനുസരിച്ച്, വൈകിയ വിമാനം ഒടുവിൽ പുലർച്ചെ 3 മണിക്ക് ശേഷം പ്യൂർട്ടോ റിക്കോയിൽ ആണ് ലാൻഡ് ചെയ്തത്.

വിമാനത്തിൻ്റെ വാതിൽ തുറക്കാൻ ശ്രമിച്ച യാത്രക്കാരനെ ബുധനാഴ്ച ഈസ്റ്റ് ബോസ്റ്റൺ ഡിസ്ട്രിക്റ്റ് കോടതിയിൽ കുറ്റാരോപിതനായി ഹാജരാക്കുമെന്ന് പ്രതീക്ഷിച്ചിരുന്നു. എന്നാൽ ഇയാളുടെ വിവരങ്ങൾ അധികൃതർ പുറത്തുവിട്ടിട്ടില്ല.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്