തന്റെ പുതിയ എയര്‍ഫോഴ്സ് വണ്‍ എത്രയും വേഗം വേണമെന്ന് ട്രംപ്; അതൊരു സുരക്ഷാ പ്രശ്നമായേക്കുമെന്ന് ഉദ്യോഗസ്ഥര്‍

JUNE 7, 2025, 6:39 PM

വാഷിംഗ്ടണ്‍: പ്രസിഡന്റ് ഡൊണാള്‍ഡ് ട്രംപ് നവീകരിച്ച എയര്‍ഫോഴ്സ് വണ്ണില്‍ എത്രയും പെട്ടെന്ന് പറക്കാന്‍ ആഗ്രഹം പ്രകടിപ്പിച്ചിരിക്കുകയാണ്. എന്നാല്‍ അത് സാധ്യമാകുന്നത് സുരക്ഷയുടെ കാര്യത്തില്‍ അദ്ദേഹം കൂടുതല്‍ ശ്രദ്ധ ചെലുത്താന്‍ തയ്യാറാണോ എന്നതിനെ ആശ്രയിച്ചിരിക്കും.

ഖത്തര്‍ രാജകുടുംബത്തില്‍ നിന്ന് സമ്മാനിച്ച ആഡംബര ജെറ്റ് സ്വീകരിക്കുന്നതിനുള്ള നിയമസാധുതകള്‍ സര്‍ക്കാര്‍ അഭിഭാഷകര്‍ അന്തിമമാക്കുകയാണ്. അതേസമയം വിമാനം യുഎസ് പ്രസിഡന്റിന് അനുയോജ്യമാണെന്ന് ഉറപ്പാക്കുന്നതിനുള്ള പരിഷ്‌കാരങ്ങള്‍ സംബന്ധിച്ച് ചര്‍ച്ചകള്‍ നടന്നുകൊണ്ടിരിക്കുകയാണ്. നിലവിലെ എയര്‍ഫോഴ്സ് വണ്‍ ബോയിംഗ് 747 വിമാനങ്ങളുടേതിന് സമാനമായ കഴിവുകള്‍ സംയോജിപ്പിക്കുന്നത് ബോയിംഗിന്റെ മാറ്റിസ്ഥാപിക്കല്‍, കാലതാമസത്തിലും തടര്‍ന്ന് അത് അധികച്ചെലവിലേയ്ക്കും എത്തിക്കും. അത് പദ്ധതിയെ തളര്‍ത്തും.

അതേസമയം സുരക്ഷാ പരിഷ്‌കാരങ്ങള്‍ക്ക് 400 മില്യണ്‍ ഡോളറില്‍ താഴെ മാത്രമേ ചെലവാകൂ എന്ന് വ്യോമസേന സെക്രട്ടറി ട്രോയ് മെയിന്‍ക് വ്യാഴാഴ്ച നിയമസഭാംഗങ്ങളോട് പറഞ്ഞു. എന്നിരുന്നാലും അതിന്റെ കൂടുതല്‍ വിശദാംശങ്ങള്‍ നല്‍കിയിട്ടില്ല. കാലാവധി അവസാനിക്കുന്നതിന് മുമ്പ് പുതിയ വിമാനം ഉപയോഗിക്കാനുള്ള ഡൊണാള്‍ഡ് ട്രംപിന്റെ ആഗ്രഹം നിറവേറ്റുന്നതിന്, ചില സുരക്ഷാ മുന്‍കരുതലുകള്‍ ഒഴിവാക്കേണ്ടി വന്നേക്കാമെന്നും ഉദ്യോഗസ്ഥര്‍ സൂചിപ്പിക്കുന്നു.

സുരക്ഷാ മാനദണ്ഡങ്ങള്‍ പാലിച്ചുകൊണ്ട് ഖത്തര്‍ ജെറ്റ് എത്രയും വേഗം തയ്യാറാക്കണമെന്ന് ട്രംപ് ആഗ്രഹിക്കുന്നുവെന്ന് വൈറ്റ് ഹൗസ് ഉദ്യോഗസ്ഥന്‍ പറഞ്ഞു. പേര് വെളിപ്പെടുത്തരുതെന്ന നിബന്ധനയോടെ സംസാരിച്ച ഉദ്യോഗസ്ഥന്‍ ജെറ്റിന്റെ നിയമ പ്രശ്നങ്ങളെക്കുറിച്ചോ സമയക്രമത്തെക്കുറിച്ചോ വിശദാംശങ്ങള്‍ നല്‍കിയില്ല. ട്രംപ് രണ്ട് വധശ്രമങ്ങളില്‍ നിന്ന് രക്ഷപ്പെട്ടതാണ്. അതിനാല്‍ താന്‍ നേരിടുന്ന അപകടത്തെക്കുറിച്ച് അദ്ദേഹത്തിന് നന്നായി അറിയാം. എന്നിരുന്നാലും, സുരക്ഷയുടെ കാര്യത്തില്‍, പ്രത്യേകിച്ച് ആശയവിനിമയത്തിന്റെ കാര്യത്തില്‍, ചില അവസരങ്ങള്‍ എടുക്കാന്‍ അദ്ദേഹം തയ്യാറാണെന്ന് തോന്നുന്നു. ഉദാഹരണത്തിന്, ഹാക്കിംഗ് ഭീഷണി ഉണ്ടായിരുന്നിട്ടും തന്റെ സ്വകാര്യ ഫോണ്‍ കൈവശം വയ്ക്കാന്‍ അദ്ദേഹം ഇഷ്ടപ്പെടുന്നു.