ന്യൂയോര്ക്ക്: അല്ഷൈമേഴ്സ് രോഗത്തിനെതിരെയുള്ള പോരാട്ടത്തില് നിര്ണ്ണായക മുന്നേറ്റവുമായി പുതിയ പരീക്ഷണ മരുന്ന്. തലച്ചോറിലെ ടൗ എന്ന പ്രോട്ടീന്റെ അളവ് കുറച്ചുകൊണ്ട് രോഗത്തിന്റെ പുരോഗതി മന്ദഗതിയിലാക്കാന് 'ദിരാനെര്സെന്' എന്ന മരുന്നിന് സാധിക്കുമെന്ന് പുതിയ പഠനങ്ങള് വ്യക്തമാക്കുന്നു.
നിലവിലുള്ള ചികിത്സാ രീതികളില് നിന്നും തികച്ചും വ്യത്യസ്തവും വിപ്ലവകരവുമായ സമീപനമാണ് ഇത് സ്വീകരിക്കുന്നത്. നിലവില് അംഗീകാരമുള്ള ലെകാനെമാബ്, ദൊനാനെമാബ് തുടങ്ങിയ മരുന്നുകള് തലച്ചോറില് അടിഞ്ഞുകൂടുന്ന അമിലോയിഡ് പ്രോട്ടീനുകളെ നീക്കം ചെയ്യാനാണ് സഹായിക്കുന്നത്. എന്നാല് ലണ്ടനില് നടന്ന അന്താരാഷ്ട്ര അല്ഷൈമേഴ്സ് അസോസിയേഷന് സമ്മേളനത്തില് അവതരിപ്പിച്ച വിവരങ്ങള് പ്രകാരം, ബയോജെന് കമ്പനി വികസിപ്പിച്ച ദിരാനെര്സെന് ടൗ പ്രോട്ടീന്റെ അളവ് കുറയ്ക്കുക മാത്രമല്ല, രോഗികളുടെ ചിന്താശേഷിയും ഓര്മ്മശക്തിയും ക്ഷയിക്കുന്നത് ഗണ്യമായി തടയുകയും ചെയ്യുന്നു.
ഏകദേശം നാനൂറോളം ആളുകളില് നടത്തിയ പ്രാഥമിക പഠനത്തില്, ആറു മാസത്തിലൊരിക്കല് നട്ടെല്ലിലെ ദ്രാവകത്തിലേക്ക് നേരിട്ട് നല്കിയ കുറഞ്ഞ അളവിലുള്ള മരുന്ന് മികച്ച ഫലം നല്കിയതായി കണ്ടെത്തി. രോഗികളുടെ ഓര്മ്മശക്തിയിലുണ്ടാകുന്ന അപചയം ഏകദേശം 26 ശതമാനം വരെ കുറയ്ക്കാന് ഇതിന് സാധിച്ചു. നിലവിലുള്ള അമിലോയിഡ് ചികിത്സകള് നല്കുന്നതിന് സമാനമായ ഫലപ്രാപ്തിയാണ് ഈ മരുന്നും കാണിക്കുന്നത്.
തലച്ചോറിലെ ന്യൂറോണുകളില് കുരുക്കുകള് രൂപപ്പെടുത്തുന്ന ടൗ പ്രോട്ടീന്റെ ഉല്പ്പാദനം തന്നെ കുറയ്ക്കുകയാണ് ഈ മരുന്ന് ചെയ്യുന്നത്. ഇതുവഴി തലച്ചോറിലെ സ്വാഭാവിക ശുദ്ധീകരണ സംവിധാനത്തിന് ബാക്കിയുള്ള ടൗ പ്രോട്ടീനുകളെ വേഗത്തില് നീക്കം ചെയ്യാന് കഴിയും. കുത്തിവെക്കുന്ന ഭാഗത്തെ വേദനയും താല്ക്കാലികമായ ആശയക്കുഴപ്പവും ഒഴിച്ചാല്, അമിലോയിഡ് മരുന്നുകളില് കാണാറുള്ള തലച്ചോറിലെ വീക്കം തുടങ്ങിയ പാര്ശ്വഫലങ്ങളൊന്നും ഇതില് കണ്ടെത്തിയിട്ടില്ല.
വലിയ അളവില് ആളുകളെ ഉള്പ്പെടുത്തി വിശാലമായ ക്ലിനിക്കല് ട്രയലുകള് നടത്തി മരുന്നിന്റെ ഫലപ്രാപ്തി പൂര്ണ്ണമായി തെളിയിക്കാനാണ് ഗവേഷകരുടെ അടുത്ത നീക്കം. ഇതിനൊപ്പം ടൗ പ്രോട്ടീനെതിരെ പ്രതിരോധശേഷി നല്കുന്ന വാക്സിനുകള്, കൊളസ്ട്രോള് കുറയ്ക്കുന്ന മരുന്നുകള് ഉപയോഗിച്ചുള്ള ചികിത്സ രീതികള് എന്നിവയും അല്ഷൈമേഴ്സ് രോഗത്തിനെതിരെ വലിയ പ്രതീക്ഷ നല്കുന്നുണ്ട്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260714034652.jpg)
1-20260714032316.jpg)
