പരിചയമില്ലാത്ത ഒരാൾ വാട്ട്‌സ്ആപ്പ് ഗ്രൂപ്പിൽ ചേർക്കുന്നത് നമ്മളിൽ പലരും അനുഭവിച്ചിട്ടുണ്ട്. ഇത്തരം ഗ്രൂപ്പുകൾ പലപ്പോഴും വാട്ട്‌സ്ആപ്പ് വഴി സാമ്പത്തിക തട്ടിപ്പുകളിലേക്ക് നയിക്കുന്നു. പരിചയമില്ലാത്ത ഒരാൾ ചേർത്ത വാട്ട്‌സ്ആപ്പ് ഗ്രൂപ്പുകൾ വഴി പണം, അക്കൗണ്ട് വിവരങ്ങൾ, ഒടിപി എന്നിവ കൈമാറ്റം ചെയ്തുകൊണ്ട് ആളുകൾ സാമ്പത്തിക തട്ടിപ്പുകൾക്ക് ഇരയാകുന്ന സംഭവങ്ങൾ റിപ്പോർട്ട് ചെയ്യപ്പെട്ടിട്ടുണ്ട്. അതിനാൽ, വാട്ട്‌സ്ആപ്പ് ഗ്രൂപ്പുകൾ വഴിയുള്ള തട്ടിപ്പുകൾ കുറയ്ക്കുന്നതിനായി മെറ്റാ ഒരു പുതിയ ഫീച്ചർ അവതരിപ്പിച്ചു.

പരിചയമില്ലാത്ത കോണ്‍ടാക്റ്റുകള്‍ സൃഷ്‌ടിക്കുന്ന വാട്‌സ്ആപ്പ് ഗ്രൂപ്പുകളിലേക്ക് ആഡ് ചെയ്യപ്പെട്ടാല്‍, ആ ഗ്രൂപ്പിലെ മെസേജുകള്‍ ഓപ്പണ്‍ ചെയ്യും മുമ്പ് ഇനി മുതല്‍ ഒരു ലഘു വിവരണം (സമ്മറി) ദൃശ്യമാകും. വാട്‌സ്ആപ്പ് ഗ്രൂപ്പിന്‍റെ പേര്, ആരാണ് ഗ്രൂപ്പ് ക്രിയേറ്റ് ചെയ്‌തത്, എപ്പോഴാണ് വാട്സ്ആപ്പ് ഗ്രൂപ്പുണ്ടാക്കിയത് ആരാണ് ഗ്രൂപ്പിലേക്ക് നിങ്ങളെ ക്ഷണിച്ചത്, ഗ്രൂപ്പിലെ അംഗങ്ങള്‍ ആരൊക്കെ എന്നിങ്ങനെയുള്ള വിവരങ്ങളാണ് ഈ ലഘു വിവരണത്തിലുണ്ടാവുക. 

വാട്‌സ്ആപ്പ് ഗ്രൂപ്പില്‍ സംശയമുള്ളവര്‍ക്കും തുടരാന്‍ താല്‍പര്യമില്ലാത്തവര്‍ക്കും എക്‌സിറ്റ് അടിക്കാനാകും. വാട്‌സ്ആപ്പ് ഗ്രൂപ്പില്‍ തുടരാന്‍ തീരുമാനിക്കുന്നതുവരെ ഗ്രൂപ്പില്‍ നിന്ന് യാതൊരു നോട്ടിഫിക്കേഷനും പുതുതായി ചേര്‍ക്കപ്പെട്ടയാള്‍ക്ക് ലഭിക്കില്ല എന്ന പ്രത്യേകതയുമുണ്ട്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്