തിരുവനന്തപുരം: ലോക്സഭ തിരഞ്ഞെടുപ്പില് സംസ്ഥാനത്ത് 71.27 ശതമാനം വോട്ട് രേഖപ്പെടുത്തിയതായി ഔദ്യോഗിക റിപ്പോർട്ട്. മുഖ്യ തിരഞ്ഞെടുപ്പ് ഓഫീസര് സഞ്ജയ് കൗള് ആണ് ഇക്കാര്യം അറിയിച്ചത്. സംസ്ഥാനത്ത് ആകെയുള്ള 2,77,49,158 വോട്ടര്മാരില് 1,97,77478 പേരാണ് ഏപ്രില് 26 ന് പോളിങ് ബൂത്തുകളിലെത്തി ഇലക്ട്രോണിക് വോട്ടിങ് യന്ത്രങ്ങള് വഴി വോട്ട് രേഖപ്പെടുത്തിയത് എന്നാണ് പുറത്തു വരുന്ന റിപ്പോർട്ട് വ്യക്തമാക്കുന്നത്.
വോട്ട് രേഖപ്പെടുത്തിയതിൽ 94,75,090 പേര് പുരുഷ വോട്ടര്മാരും 1,0302238 പേര് സ്ത്രീ വോട്ടര്മാരും 150 പേര് ഭിന്നലിംഗ വോട്ടര്മാരുമാണ്. ആബ്സന്റീ വോട്ടര് വിഭാഗത്തില് 1,80,865 വോട്ടും തിരഞ്ഞെടുപ്പ് ഡ്യൂട്ടിയുള്ള ഉദ്യോഗസ്ഥരുടെ വിഭാഗത്തില് 41,904 പോസ്റ്റല് വോട്ടും രേഖപ്പെടുത്തിയിട്ടുണ്ട് എന്നും റിപ്പോർട്ടിൽ പറയുന്നു.
അതേസമയം സംസ്ഥാനത്തെ 20 ലോക്സഭ മണ്ഡലങ്ങളില് ഏറ്റവുമധികം പോളിങ് നടന്നത് വടകര മണ്ഡലത്തിലാണ്. 78.41 ശതമാനം. 1,11,4950 വോട്ടര്മാര് വടകരയില് വോട്ട് രേഖപ്പെടുത്തി. പത്തനംതിട്ട മണ്ഡലത്തിലാണ് ഏറ്റവും കുറവ് വോട്ടിങ് നടന്നത്. 63.37 ശതമാനം. 14,29700 വോട്ടര്മാരില് 9,06051 വോട്ടര്മാര് മാത്രമാണ് പത്തനംതിട്ടയില് വോട്ട് രേഖപ്പെടുത്തിയത് എന്നാണ് കണക്കുകൾ വ്യക്തമാക്കുന്നത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്