ഫോട്ടോഗ്രാഫറായ അവീവ ബെയ്ഗ് ഗാന്ധി കുടുംബത്തിലേക്ക് എത്തുമ്പോള്‍ ?

DECEMBER 30, 2025, 5:50 AM

ഗാന്ധി കുടുംബത്തിലെ വിവാഹ വാര്‍ത്തയാണ് ഇപ്പോള്‍ ചര്‍ച്ചയാകുന്നത്. പ്രിയങ്ക ഗാന്ധിയുടെ മകന്‍ റെയ്ഹാന്‍ ഗാന്ധിയുടെ വിവാഹ വാര്‍ത്തയ്ക്കൊപ്പം അദ്ദേഹത്തിന്റെ പ്രതിശ്രുത വധുവായ അവീവ ബെയ്ഗ് എന്ന പേരും ഏറെ ചര്‍ച്ചയാകുകയാണ്. പ്രൊഫഷണല്‍ ഫോട്ടോഗ്രാഫറാണ് അവീവ ബെയ്ഗ്. അന്താരാഷ്ട്ര തലത്തില്‍ ശ്രദ്ധ നേടിയ നിരവധി പ്രോജക്ടുകളുടെ ഭാഗമായിട്ടുണ്ട്.

വളരെ ലളിതമായ ഒരു ചടങ്ങായിരിക്കും ഇവരുടെ വിവാഹ നിശ്ചയം. ഇരുവരുടേയും അടുത്ത കുടുംബാംഗങ്ങള്‍ മാത്രമേ പങ്കെടുക്കൂ എന്നാണ് വിവരം. രാജസ്ഥാനില്‍ വെച്ചായിരിക്കും ചടങ്ങ് നടക്കുക. ചെറുതും സ്വകാര്യവുമായ രണ്ടോ മൂന്നോ ദിവസത്തെ പരിപാടിയായിരിക്കും ഇത്. തീയതികള്‍ ഇതുവരെ പരസ്യമാക്കിയിട്ടില്ല. 2026 ജനുവരി ആദ്യം ചടങ്ങ് നടക്കുമെന്നും റിപ്പോര്‍ട്ടുണ്ട്.

ഫോട്ടോഗ്രഫി ലോകത്ത് സ്വന്തം പേരെടുത്ത ഒരു യുവപ്രതിഭയാണ് അവീവ ബെയ്ഗ്. വിവാഹ വാര്‍ത്ത പുറത്തു വന്നതിന് പിന്നാലെ നിരവധി പേര്‍ അവീവ ബെയ്ഗിനെ തിരയുന്നുണ്ട്. ഫോട്ടോഗ്രാഫിയില്‍ പ്രത്യേക അഭിനിവേശമുള്ള ഡല്‍ഹി ആസ്ഥാനമായുള്ള ഒരു ക്രിയേറ്റീവ് പ്രൊഫഷണലാണ് അവീവ ബെയ്ഗ്. ഏതാനും വര്‍ഷങ്ങള്‍ക്ക് മുമ്പ് റെഹാനും അവീവയും അവരുടെ പ്രൊഫഷണല്‍ സര്‍ക്കിളുകളിലൂടെയാണ് കണ്ടുമുട്ടുന്നത്.

ഫോട്ടോഗ്രാഫിയോടും യാത്രയോടുമുള്ള അഭിനിവേശം ഇരുവരും പങ്കിടാറുണ്ട്. ഇത് ശക്തമായ ഒരു ബന്ധത്തിലേക്ക് നയിക്കുകയായിരുന്നു. 25 കാരനായ റെഹാന്‍ വാദ്ര ഒരു പ്രകൃതി-വന്യജീവി ഫോട്ടോഗ്രാഫറാണ്. അദ്ദേഹത്തിന്റെ ഫോട്ടോഗ്രാഫുകള്‍ പ്രദര്‍ശനങ്ങളിലും ഓണ്‍ലൈന്‍ പ്ലാറ്റ്ഫോമുകളിലും പ്രദര്‍ശിപ്പിച്ചിട്ടുണ്ട്. പോര്‍ട്രെയ്റ്റ്, ട്രാവല്‍ ഫോട്ടോഗ്രാഫി എന്നിവയിലും അവീവയ്ക്ക് താല്‍പ്പര്യമുണ്ട്, കൂടാതെ നിരവധി പ്രോജക്ടുകളില്‍ റെഹാനുമായി പ്രവര്‍ത്തിച്ചിട്ടുണ്ട്.

അവീവയ്ക്ക് ഇന്‍സ്റ്റാഗ്രാമില്‍ 10,000-ത്തിലധികം ഫോളോവേഴ്സ് ഉണ്ട്. ഇന്‍സ്റ്റാഗ്രാം അക്കൗണ്ട് അനുസരിച്ച്, ഒരു നിര്‍മ്മാതാവ് കൂടിയാണ് അവീവ. രണ്ട് കുടുംബങ്ങളും ഈ ബന്ധത്തില്‍ സന്തുഷ്ടരാണ്, പരസ്പര സമ്മതത്തോടെയായിരിക്കും വിവാഹ തീയതി തീരുമാനിക്കുക. അവീവ ബെയ്ഗ് ഡല്‍ഹിയില്‍ സ്വദേശിനിയാണ്. റെഹാന്‍ വാദ്ര ഫോട്ടോഗ്രാഫിയിലും കലയിലും സജീവമാണ്.

റെഹാന്‍ ഒരു വിഷ്വല്‍ ആര്‍ട്ടിസ്റ്റും ഫോട്ടോഗ്രാഫറുമാണ്. 'ഡാര്‍ക്ക് പെര്‍സെപ്ഷന്‍' എന്ന പേരില്‍ ഒരു സോളോ എക്‌സിബിഷനും അദ്ദേഹം നടത്തിയിട്ടുണ്ട്. കൂടാതെ കൊല്‍ക്കത്തയില്‍ ഒരു ഫോട്ടോഗ്രാഫി എക്‌സിബിഷനും നടത്തിയിട്ടുണ്ട്. ഡല്‍ഹിയിലെ മോഡേണ്‍ സ്‌കൂളിലും ഒ.പി. ജിന്‍ഡാല്‍ ഗ്ലോബല്‍ യൂണിവേഴ്‌സിറ്റിയിലുമാണ് അവീവ ബെയ്ഗ് മീഡിയ ജേണലിസം പഠിച്ചത്.

അവരുടെ പ്രൊഫൈല്‍ അനുസരിച്ച്, ക്രിയേറ്റീവ് ഇമേജസ് മാഗസിന്‍, വെര്‍വ് മാഗസിന്‍ ഇന്ത്യ, ആര്‍ട്ട് ചാനല്‍ ഇന്ത്യ എന്നിവയുള്‍പ്പെടെ നിരവധി ഇന്റേണ്‍ഷിപ്പുകള്‍ അവര്‍ നടത്തിയിട്ടുണ്ട്. 2016 മുതല്‍ 2019 വരെ ഐപാര്‍ലിയമെന്റിന്റെ എഡിറ്റര്‍-ഇന്‍-ചീഫായും അവര്‍ സേവനമനുഷ്ഠിച്ചു. ദൈനംദിന ജീവിതത്തിന്റെ ലാളിത്യത്തിന്റെയും സങ്കീര്‍ണ്ണതയുടെയും സംക്ഷിപ്ത രൂപം അവീവ ഫോട്ടോഗ്രാഫുകള്‍ പകര്‍ത്തുന്നു. അവരുടെ ഫോട്ടോഗ്രാഫുകള്‍ വിവിധ പ്ലാറ്റ്ഫോമുകളില്‍ 30,000 മുതല്‍ 40,000 രൂപ വരെ വിലയ്ക്ക് വില്‍ക്കപ്പെടുന്നു.

അവീവ ബെയ്ഗ് എന്ന വെബ്സൈറ്റില്‍ നല്‍കിയിരിക്കുന്ന വിവരങ്ങള്‍ അനുസരിച്ച്, കഴിഞ്ഞ അഞ്ച് വര്‍ഷത്തിനിടെ, മെത്തേഡ് ഗാലറിയോടൊപ്പം 'യു കാന്റ് മിസ്സ് ദിസ്' (2023), ഇന്ത്യ ആര്‍ട്ട് ഫെയറിലെ യംഗ് കളക്ടര്‍സ് പ്രോഗ്രാമിന്റെ ഭാഗമായി 'യു കാന്റ് മിസ്സ് ദിസ്' (2023), ദി ക്വാറം ക്ലബ് 'ദി ഇല്ല്യൂസറി വേള്‍ഡ്' (2019), ഇന്ത്യ ഡിസൈന്‍ ഐഡി, കെ2 ഇന്ത്യ (2018) എന്നിവയില്‍ അവര്‍ തന്റെ കലാസൃഷ്ടികള്‍ പ്രദര്‍ശിപ്പിച്ചിട്ടുണ്ട്.