കുരിശ് കണ്ട് വികാരാധീനനായതായി ബഹിരാകാശ ദൗത്യം കഴിഞ്ഞ് മടങ്ങിയെത്തിയ നാസ ബഹിരാകാശ സഞ്ചാരി

APRIL 19, 2026, 1:03 AM

ഹൂസ്റ്റൺ: അർത്തെമിസ് 2 ദൗത്യം പൂർത്തിയാക്കി ഭൂമിയിൽ തിരിച്ചെത്തിയ നാസ കമാൻഡർ റീഡ് വൈസ്മാൻ തന്റെ ബഹിരാകാശ അനുഭവങ്ങളെക്കുറിച്ച് മനസ് തുറന്നു.

താൻ ഒരു മതവിശ്വാസിയല്ലെങ്കിലും, ചന്ദ്രനെ ചുറ്റിയുള്ള യാത്രയ്ക്ക് ശേഷം തിരിച്ചെത്തിയപ്പോൾ ഉണ്ടായ തീവ്രമായ അനുഭവം തന്നെ കരയിപ്പിച്ചുവെന്ന് അദ്ദേഹം പറഞ്ഞു.

തിരിച്ചെത്തിയ ഉടൻ ഒരു നേവി ചാപ്ലയിനെ (പുരോഹിതൻ) കാണാൻ അദ്ദേഹം ആവശ്യപ്പെടുകയും, അദ്ദേഹത്തിന്റെ വസ്ത്രത്തിലെ കുരിശ് കണ്ടപ്പോൾ താൻ പൊട്ടിക്കരയുകയും ചെയ്തുവെന്ന് വൈസ്മാൻ വെളിപ്പെടുത്തി.

പ്രപഞ്ചത്തിന്റെ വിസ്മയവും ഭൂമിയുടെ പ്രത്യേകതയും നേരിട്ട് കണ്ടപ്പോൾ ഉണ്ടായ മാനസിക മാറ്റമാണ് ഇതിന് കാരണമെന്ന് അദ്ദേഹം ഹൂസ്റ്റണിൽ നടന്ന വാർത്താസമ്മേളനത്തിൽ പറഞ്ഞു.

പത്തു ദിവസം നീണ്ടുനിന്ന അർത്തെമിസ് 2 ദൗത്യം കഴിഞ്ഞ ആഴ്ചയാണ് വിജയകരമായി പൂർത്തിയായത്.

പി പി ചെറിയാൻ