ന്യൂഡൽഹി: പാചകവാതക സബ്സിഡി അർഹരായ ഉപഭോക്താക്കളിലേക്ക് മാത്രം എത്തുന്നു എന്ന് ഉറപ്പാക്കാൻ പുതിയ നിബന്ധനയുമായി കേന്ദ്ര സർക്കാർ. ഒക്ടോബർ 1 മുതൽ സബ്സിഡി നിരക്കിൽ ഗാർഹിക എൽ.പി.ജി സിലിണ്ടറുകൾ ബുക്ക് ചെയ്യണമെങ്കിൽ ബയോമെട്രിക് ആധാർ ഓതന്റിക്കേഷൻ നിർബന്ധമാക്കി. പെട്രോളിയം, സ്വാഭാവിക വാതക മന്ത്രാലയമാണ് ശനിയാഴ്ച ഇത് സംബന്ധിച്ച് അറിയിപ്പ് പുറപ്പെടുവിച്ചത്.
നിലവിൽ രാജ്യത്തെ 27.43 കോടി ഗാർഹിക ഉപഭോക്താക്കൾ (ആകെ ഉപഭോക്താക്കളുടെ 89.9%) ബയോമെട്രിക് ഓതന്റിക്കേഷൻ പൂർത്തിയാക്കിയിട്ടുണ്ട്. മുൻപ് തന്നെ പ്രക്രിയ പൂർത്തിയാക്കിയവർ വീണ്ടും ചെയ്യേണ്ടതില്ല. ആധാർ ഓതന്റിക്കേഷൻ പൂർത്തിയാക്കാത്തവർക്ക് പ്രക്രിയ പൂർത്തിയാക്കിയ ശേഷം മാത്രമേ സബ്സിഡി നിരക്കിൽ സിലിണ്ടർ ബുക്ക് ചെയ്യാൻ സാധിക്കൂ. അല്ലാത്തപക്ഷം മാർക്കറ്റ് വില നൽകി സിലിണ്ടറുകൾ വാങ്ങേണ്ടി വരും.
സിലിണ്ടർ വിതരണത്തിനെത്തുന്ന ഡെലിവറി ബോയ് വഴിയോ, ഗ്യാസ് ഏജൻസികളിൽ നേരിട്ടെത്തിയോ, പൊതുമേഖലാ എണ്ണക്കമ്പനികളുടെ മൊബൈൽ ആപ്പുകൾ വഴിയോ (IndianOil ONE, HelloBPCL, HP PAY) പൂർത്തിയാക്കാം.
ബയോമെട്രിക് ഓതന്റിക്കേഷൻ ചെയ്യാൻ താല്പര്യമില്ലാത്തവർക്ക് സബ്സിഡിയില്ലാത്ത വിപണി വിലയിൽ ഗ്യാസ് തുടർന്നും ലഭിക്കും. ഇതിനായി കമ്പനികളുടെ വെബ്സൈറ്റ്, വാട്ട്സ്ആപ്പ് ചാറ്റ് ബോട്ട്, ഐ.വി.ആർ.എസ് എന്നിവ വഴി രജിസ്റ്റർ ചെയ്യാം.
2023 ഒക്ടോബർ മുതൽ ആരംഭിച്ച ആധാർ ഓതന്റിക്കേഷൻ പ്രക്രിയ പൂർത്തിയാക്കാനുള്ള അവസാന തീയതി പലതവണ നീട്ടിനൽകിയിരുന്നു. തടസ്സമില്ലാതെ സബ്സിഡി ലഭിക്കുന്നതിന് ഒക്ടോബർ 1-ന് മുൻപായി ഓതന്റിക്കേഷൻ പൂർത്തിയാക്കാൻ സർക്കാർ ഉപഭോക്താക്കളോട് അഭ്യർത്ഥിച്ചു. സംശയങ്ങൾക്ക് 1800 2333 555 എന്ന ഹെൽപ്പ് ലൈൻ നമ്പറിൽ ബന്ധപ്പെടാം.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20201011062608.jpg)
-20260920034503.jpg)
-20260920021449.jpg)
-20260117051728.jpg)
-20260119112532.webp)
