വയനാട് ചൂരൽമല ഉരുൾപൊട്ടൽ : മരിച്ച രാജമ്മയുടെ മൃതദേഹഭാഗങ്ങൾ ഒന്നിച്ച് സംസ്കരിച്ചു

JUNE 27, 2025, 2:50 AM

വയനാട്: രണ്ട് സ്ഥലങ്ങളിലായി സംസ്കരിച്ച രാജമ്മയുടെ മൃതദേഹഭാഗങ്ങൾ ഒന്നിച്ച് സംസ്കരിച്ചു. വയനാട് ചൂരൽമല ഉരുൾപൊട്ടൽ ദുരന്തത്തിലാണ് രാജമ്മ മരിച്ചത്.

രണ്ട് ഇടങ്ങളിലായി സംസ്കരിച്ച രാജമ്മയുടെ മൃതദേഹഭാഗങ്ങൾ ഒന്നിച്ച് സംസ്കരിക്കണമെന്ന മകൻറെ ആവശ്യപ്രകാരമായിരുന്നു നടപടി.

ഡിവൈഎഫ്ഐ പ്രവർത്തകരാണ് ഉരുൾപൊട്ടൽ ദുരന്തത്തിൽ മരിച്ച രാജമ്മയുടെ മൃതദേഹ ഭാഗങ്ങൾ പുറത്തെടുത്ത് സംസ്കാരം നടത്തിയത്. രാജമ്മയുടെ ബന്ധുക്കളും പൊലീസും പഞ്ചായത്ത് അധികൃതരും സ്ഥലത്തെത്തിയിരുന്നു.

ഉരുൾപ്പൊട്ടൽ ദുരന്തത്തിൽ അനിലിൻറെ കുടംബത്തിൽ നിന്ന് നാല് പേർക്കാണ് ജീവൻ നഷ്ടമായത്. സഹോദരൻറെ രണ്ട് മക്കളും സഹോദരിയുടെ മകനും ഒപ്പം അമ്മയും മരിച്ചിരുന്നു.

മൃതദേഹങ്ങൾ ക‌ണ്ടെത്താൻ തന്നെ ദിവസങ്ങളോളം എടുത്തു. ദുരന്തം ഉണ്ടായ ഒന്നരമാസത്തിന് ശേഷമാണ് ഡിഎൻഎ പരിശോധനയിലൂടെ അമ്മ രാജമ്മയെ പുത്തുമലയിൽ രണ്ട് ഇടത്തായാണ് അടക്കിയതെന്ന് തിരിച്ചറിഞ്ഞത്.