'ഗൂഢാലോചന എന്ന കാര്യത്തിൽ സംശയം ഇല്ല'; മാധ്യമങ്ങളോട് പ്രതികരണവുമായി വേടൻ

SEPTEMBER 12, 2025, 1:54 AM

കൊച്ചി: തനിക്കെതിരായ ലൈംഗികാരോപണങ്ങൾക്ക് പിന്നിൽ ഗൂഢാലോചനയുണ്ടെന്ന പ്രതികരണവുമായി റാപ്പർ വേടൻ രംഗത്ത്. ഇക്കാര്യത്തിൽ യാതൊരു സംശയവും തനിക്കില്ലെന്നും വേടൻ മാധ്യമങ്ങളോട് പറഞ്ഞു.

അതേസമയം വേടനെ സ്ഥിരം കുറ്റവാളിയാക്കാൻ ശ്രമം നടക്കുന്നുവെന്ന് കാണിച്ച് അദ്ദേഹത്തിന്റെ സഹോദരൻ മുഖ്യമന്ത്രിക്ക് നൽകിയ പരാതിയെ കുറിച്ചുള്ള മാധ്യമപ്രവർത്തകരുടെ ചോദ്യത്തിനായിരുന്നു വേടന്റെ പ്രതികരണം.

എന്നാൽ കേസ് നിലനിൽക്കുന്ന സാഹചര്യത്തിൽ കൂടുതലൊന്നും പറയുന്നില്ലെന്നും ഈ തിരക്കും കേസുമെല്ലാം കഴിഞ്ഞ് ബാക്കികാര്യങ്ങളെല്ലാം സംസാരിക്കാമെന്നും വേടൻ പറഞ്ഞു. ഗവേഷക വിദ്യാർഥി നൽകിയ ലൈംഗികാതിക്രമ പരാതിയിൽ എറണാകുളം സെൻട്രൽ സ്റ്റേഷനിൽ ഹാജരാകാനെത്തിയതായിരുന്നു വേടന്‍.